Nnwom 130:1-8

  • “Mifi bon mu su frɛ wo”

    • “Sɛ mfomso na wohwɛ a” (3)

    • Yehowa de bɔne kyɛ koraa (4)

    • “Meretwɛn Yehowa denneennen” (6)

Dwom a Wɔde Foro Bepɔw No. 130  O Yehowa, mifi bon mu su frɛ wo.+   O Yehowa, tie me nne. Yɛ aso tie me nkotosrɛ.   O Yah,* sɛ mfomso na wohwɛ* a,O Yehowa, anka hena na obetumi agyina w’anim?+   Wo na wode bɔne kyɛ koraa+Sɛnea ɛbɛyɛ a nnipa besuro wo.+   M’ani da Yehowa so; mede me werɛ nyinaa ahyɛ ne mu;*N’asɛm na m’ani da so.   Sɛnea meretwɛn* Yehowa denneennen no,+Ɛkyɛn awɛmfo a wɔretwɛn adekyee;+Ampa, ɛkyɛn awɛmfo a wɔretwɛn adekyee.   Momma Israel ntwɛn Yehowa,Efisɛ Yehowa dɔ nni huammɔ,+Na ɔwɔ tumi kɛse a ɔde gye nkwa.   Obegye Israel afi wɔn mfomso nyinaa mu.

Ase Hɔ Nsɛm

“Yah” yɛ edin Yehowa a wɔatwa no tiaa.
Anaa “wudi akyi.”
Anaa “me kra ani da no so.”
Anaa “me kra retwɛn.”