Nnwom 92:1-15

  • Yehowa yɛ Opumpuni daa

    • Ne nnwuma yɛ akɛse na n’adwene mu dɔ (5)

    • ‘Ɔtreneeni bɛyɛ frɔmfrɔm sɛ dua’ (12)

    • Obi nyin mpo a ɔbɛsow aba (14)

Ayeyi dwom a wɔto no Homeda. 92  Eye sɛ yɛbɛda Yehowa ase,+Na yɛato ayeyi dwom* ama wo din, O Ɔsorosoroni;   Eye sɛ yɛbɛka wo dɔ a enni huammɔ+ no ho asɛm anɔpa,Na yɛaka wo nokwaredi ho asɛm anadwo,   Na yɛabɔ sanku a ɛwɔ nhama du ne sankuwa,Ne dwom dɛdɛ wɔ sankuten so.+   O Yehowa, wo na woma midi ahurusi wɔ wo nnwuma ho;Wo nsa ano adwuma nti, meto ahurusi dwom.   O Yehowa, hwɛ sɛnea wo nnwuma yɛ akɛse!+ Hwɛ sɛnea w’adwene mu dɔ fa!+   Obiara a onni adwene rentumi nhu mu,Na ogyimifo biara rentumi nte ase sɛ:+   Sɛ nnebɔneyɛfo fifi sɛ wura,*Na sɛ amumɔyɛfo nyinaa yɛ frɔmfrɔm a,Ɛyɛ ɔsɛe korakora a ɛbɛba wɔn so ntia.+   Nanso wo, Yehowa de, woyɛ Opumpuni daa.   O Yehowa, hwɛ sɛnea w’atamfo bedi nkogu,Hwɛ sɛnea w’atamfo bɛyera;Wobɛbɔ amumɔyɛfo nyinaa ahwete.+ 10  Nanso wobɛma m’ahoɔden ayɛ kɛse* sɛ ɛkoɔ* de;Mɛsra ngo pa ama me ho abae me.+ 11  M’atamfo bedi nkogu ama m’ani ahu;+Nnebɔneyɛfo a wɔtow hyɛ me so no bɛhwe ase ama m’aso ate. 12  Ɔtreneeni de, ɔbɛyɛ frɔmfrɔm sɛ abedua;Ɔbɛyɛ kɛse te sɛ sida dua a ɛwɔ Lebanon.+ 13  Wɔadua wɔn wɔ Yehowa fi,Wɔyɛ frɔmfrɔm wɔ yɛn Nyankopɔn fi adiwo hɔ.+ 14  Sɛ wonyin* mpo a, wɔbɛsow aba,+Na wɔbɛkɔ so anya ahoɔden* na wɔayɛ kama,+ 15  Na wɔbɛka sɛ Yehowa teɛ. Ɔno ne me Botan,+ na nea ɛnteɛ biara nni ne mu.

Ase Hɔ Nsɛm

Anaa “yɛabɔ nnwom.”
Anaa “sare.”
Nt., “wobɛma m’abɛn so.”
Anaa “wuram nantwi.”
Anaa “Sɛ wofuw dwen.”
Nt., “adɔ srade.”