Nnwom 118:1-29

  • Yehowa nkonimdi nti, ɔfata aseda

    • ‘Misu frɛɛ Yah, na ogyee me so’ (5)

    • “Yehowa wɔ m’afã” (6, 7)

    • Ɔbo a wɔpoe no abɛyɛ ntwea so bo titiriw (22)

    • “Nea ɔba Yehowa din mu” (26)

118  Monna Yehowa ase, efisɛ oye,+Na ne dɔ nni huammɔ; ɛwɔ hɔ daa.   Momma Israel nka sɛ: “Ne dɔ nni huammɔ; ɛwɔ hɔ daa.”   Momma Aaron fifo nka sɛ: “Ne dɔ nni huammɔ; ɛwɔ hɔ daa.”   Momma wɔn a wosuro Yehowa nka sɛ: “Ne dɔ nni huammɔ; ɛwɔ hɔ daa.”   Misu frɛɛ Yah* wɔ m’ahohia mu;Yah gyee me so, na ɔde me kɔɔ baabi a bɔne biara renka me.*+   Yehowa wɔ m’afã; merensuro.+ Dɛn na onipa betumi ayɛ me?+   Yehowa ne me boafo a ɔwɔ m’afã;*+M’atamfo bɛhwe ase ama madi ahurusi.+   Eye sɛ obi de Yehowa bɛyɛ ne guankɔbeaSen sɛ ɔde ne ho bɛto nnipa so.+   Eye sɛ obi de Yehowa bɛyɛ ne guankɔbeaSen sɛ ɔde ne ho bɛto adehye so.+ 10  Amanaman nyinaa twaa me ho hyiae,Nanso Yehowa din nti,Mekaa wɔn gui.+ 11  Wotwaa me ho hyiae; wɔkaa me hyɛɛ mu.Nanso Yehowa din nti,Mekaa wɔn gui. 12  Wotwaa me ho hyiae sɛ nnowa,Nanso ntɛm ara na wodumii sɛ ogya a atɔ nsɔe mu. Yehowa din nti,Mekaa wɔn gui.+ 13  Wosum me denneennen* sɛnea ɛbɛyɛ a mɛhwe ase,Nanso Yehowa boaa me. 14  Yah ne me hintabea ne m’ahoɔden,Na ɔno na wagye me nkwa.+ 15  Ahurusi dwom ne nkwagye*Wɔ atreneefo ntamadan mu. Yehowa nsa nifa rekyerɛ ne tumi.+ 16  Yehowa apagyaw ne nsa nifa;Yehowa nsa nifa rekyerɛ ne tumi.+ 17  Merenwu; mɛkɔ so atena nkwa mu,Na matumi aka Yah nnwuma ho asɛm.+ 18  Yah teɛɛ me so denneennen,+Nanso wamfa me anhyɛ owu nsa.+ 19  Mummue trenee apon mma me;+Mɛfa mu na makoyi Yah ayɛ. 20  Eyi ne Yehowa pon. Atreneefo na wɔbɛfa mu.+ 21  Meyi wo ayɛ, efisɛ wugyee me so,+Na wugyee me nkwa.  22  Ɔbo a adansifo poe no,Ɛno na abɛyɛ ntwea so bo titiriw.*+  23  Yehowa hɔ na eyi fi;+Ɛyɛ nwonwa wɔ yɛn ani so.+ 24  Eyi ne da a Yehowa ahyɛ;Yɛn ani begye na yɛadi ahurusi saa da no.  25  Yehowa, yɛsrɛ wo, gye yɛn! Yehowa, yɛsrɛ wo, ma yenni nkonim! 26  Nhyira ne nea ɔba Yehowa din mu;+Yehyira mo fi Yehowa fi. 27  Yehowa yɛ Onyankopɔn;Ɔno na ɔma yɛn hann.+ Momfa nnubaa nkura, na monkɔka afahyɛ santen no ho+Nkosi afɔremuka no mmɛn ho.+ 28  Wone me Nyankopɔn, na meyi wo ayɛ;Me Nyankopɔn, mɛkamfo wo.+ 29  Monna Yehowa ase,+ efisɛ oye,Na ne dɔ nni huammɔ; ɛwɔ hɔ daa.+

Ase Hɔ Nsɛm

“Yah” yɛ edin Yehowa a wɔatwa no tiaa.
Anaa “baabi a ɛhɔ trɛw.”
Ebetumi nso akyerɛ, “Yehowa ka wɔn a wɔboa me no ho.”
Ebetumi nso akyerɛ, “Wusum me denneennen.”
Anaa “nkonimdi.”
Nt., “tweatibo.”