Nnwom 8:1-9

  • Onyankopɔn anuonyam ne sɛnea wadi nnipa ni

    • “Hwɛ sɛnea wo din yɛ kɛse!” (1, 9)

    • “Ɔdasani ne hena?” (4)

    • Wɔde nidi abɔ nnipa abotiri (5)

Wɔde ma dwom kyerɛfo; Gitit* so. Dawid dwom. 8  O yɛn Awurade Yehowa, hwɛ sɛnea wo din yɛ kɛse wɔ asaase nyinaa so,Woama w’anuonyam atra ɔsoro mpo!*+   Mmofra ne nkokoaa anom+ na woama ahoɔden afi aba,Esiane wɔn a wɔtan wo nti;Woama ɔtamfo ne ɔweredifo aka wɔn ano atom.   Sɛ mihu ɔsoro nneɛma a woayɛ, wo nsateaa ano adwuma,Ɔsram ne nsoromma a woasiesie no a,+   Ɔdasani ne hena a wokae no,Na onipa ba ne hena a wudwen ne ho?+   Woma ɔbaa fam kakra sen abɔfo,*Na wode anuonyam ne nidi bɔɔ no abotiri.   Wode wo nsa ano adwuma ahyɛ ne nsa;+Na wode biribiara agu ne nan ase:   Nguan ne anantwi nyinaa,Ne wuram mmoa,+   Wim nnomaa ne ɛpo mu mpataa,Biribiara a ɛnenam ɛpo mu; wode ne nyinaa ama no.   O yɛn Awurade Yehowa, hwɛ sɛnea wo din yɛ kɛse wɔ asaase nyinaa so!

Ase Hɔ Nsɛm

Hwɛ Nkyerɛkyerɛmu afã hɔ.
Ebetumi nso akyerɛ, “Wo a wɔka w’anuonyam ho asɛm ma ɛtra ɔsoro!”
Anaa “wɔn a wɔsɛ Onyankopɔn.”