Nnwom 47:1-9

  • Onyankopɔn yɛ Ɔhene wɔ asaase nyinaa so

    • ‘Yehowa ho yɛ nwonwa’ (2)

    • Monto ayeyi dwom mma Onyankopɔn (6, 7)

Wɔde ma dwom kyerɛfo. Kora mma dwom.+ 47  Aman nyinaa, mommɔ mo nsam. Momfa ahurusi mmɔ ose mma Onyankopɔn.   Efisɛ Yehowa, Ɔsorosoroni no ho yɛ nwonwa,+Ɔyɛ Ɔhenkɛse wɔ asaase nyinaa so.+   Ɔma yedi aman so nkonim,Na ɔde amanaman hyɛ yɛn nan ase.+   Ɔpaw yɛn agyapade ma yɛn,+Agyapade a Yakob a ɔdɔ no no de hoahoa ne ho.+ (Sela)   Nkurɔfo rebɔ ose na Onyankopɔn aforo kɔ ne tenabea;Nkurɔfo rebɔ abɛn* na Yehowa aforo kɔ ne tenabea.   Monto ayeyi dwom* mma Onyankopɔn, monto ayeyi dwom. Monto ayeyi dwom mma yɛn Hene, monto ayeyi dwom.   Na Onyankopɔn ne asaase nyinaa so Hene;+Monto ayeyi dwom, na momfa nhumu nyɛ adwuma.   Onyankopɔn abɛyɛ Ɔhene wɔ amanaman no so.+ Onyankopɔn te n’ahengua kronkron so.   Aman no mpanyimfo aboaboa wɔn ho ano,Wɔne Abraham Nyankopɔn man. Efisɛ asaase so atumfo* nyinaa yɛ Onyankopɔn dea. Wama no so paa.+

Ase Hɔ Nsɛm

Anaa “odwennini abɛn; torobɛnto”
Anaa “Mommɔ nnwom.”
Nt., “akyɛm.”