Nnwom 19:1-14

  • Onyankopɔn abɔde ne ne mmara di ne ho adanse

    • “Ɔsoro pae mu ka Onyankopɔn anuonyam” (1)

    • Onyankopɔn mmara a edi mu no ma ahoɔden foforo (7)

    • “Bɔne a mayɛ a minnim” (12)

Wɔde ma dwom kyerɛfo. Dawid dwom. 19  Ɔsoro pae mu ka Onyankopɔn anuonyam;+Ewim nneɛma bɔ ne nsa ano adwuma dawuru.+   Adekyee biara, wɔkasa,Na anadwo biara, wɔma yenya nimdeɛ.   Wommue wɔn ano, wɔnte wɔn anom kasa,Na wɔnte wɔn nne nso.   Nanso yɛte wɔn nka wɔ* wiase nyinaa,Na wɔn nsɛm du asaase ano baabiara.+ Onyankopɔn asi ntamadan ama owia wɔ ɔsoro;   Ɛte sɛ ayeforokunu a ofi n’ayeforo dan mu repue;Edi ahurusi te sɛ ɔhoɔdenfo a ɔretu mmirika.   Ɔhyɛ n’akwantu ase wɔ ɔsoro ano,Na okowie wɔ ɔfã noho;+Ɔhyew a efi mu ba de, baabiara nni hɔ a entumi nnu.   Yehowa mmara di mu,+ na ɛma ahoɔden foforo.*+ Yehowa nkaesɛm nni huammɔ,+ ɛma nea onni nimdeɛ hu nyansa.+   Yehowa ahyɛde teɛ, na ɛma koma di ahurusi;+Yehowa mmara nsɛm ho tew, na ebue nnipa ani.+   Yehowa suro+ ho tew, na ɛwɔ hɔ daa. Yehowa atemmusɛm yɛ nokware; ne nyinaa teɛ.+ 10  Ɛyɛ akɔnnɔ sen sika kɔkɔɔ;Ɛsen sika kɔkɔɔ amapa* mpo.+Ɛyɛ dɛ sen ɛwo,+ ɛwo a ɛsosɔ fi ɛwokyɛm mu. 11  Ɛno na ɛbɔ w’akoa kɔkɔ;+Nea odi so no nya akatua kɛse.+ 12  Hena na otumi hu n’ankasa mfomso?+ Bɔne a mayɛ a minnim no, fa kyɛ me. 13  Hwɛ w’akoa na manyɛ aniammɔnho;+Mma ennni me so.+ Ɛba saa a, me ho remma asɛm,+Na mɛde me ho afi anidaho bɔne* ho. 14  O Yehowa, me Botan+ ne me Gyefo,+Ma m’anom nsɛm ne me komam nsusuwii nyɛ wo fɛ.+

Ase Hɔ Nsɛm

Ebetumi nso akyerɛ, “wɔn susuhama du.”
Anaa “ɔkra ho san no.”
Anaa “sika kɔkɔɔ a wɔayiyi mu fĩ.”
Anaa “mmarato pii.”