Nnwom 59:1-17

  • Onyankopɔn yɛ ɔkyɛm ne guankɔbea

    • ‘Nhu nkontompofo mmɔbɔ’ (5)

    • “Mɛto w’ahoɔden ho dwom” (16)

Wɔde ma dwom kyerɛfo; ɔkwan a wɔfa so to no: “Nsɛe Me.” Dawid dwom. Miktam.* Saa bere no na Saul somae sɛ wɔnkɔtetɛw Dawid fi* na wonkum no.+ 59  O me Nyankopɔn, gye me fi m’atamfo nsam;+Bɔ me ho ban fi wɔn a wɔsɔre tia me no ho.+   Gye me fi amumɔyɛfo nsam,Na gye me fi awudifo* nsam.   Hwɛ! Wɔtetɛw me;*+O Yehowa, ahoɔdenfo tow hyɛ me so,Nanso mentew atua na menyɛɛ bɔne biara.+   Minnii mfomso biara, nanso wɔyɛ ntɛm boaboa wɔn ho sɛ wɔbɛtow ahyɛ me so. Sɛ mefrɛ wo a sɔre na twa w’ani bɛhwɛ me.   O asafo Yehowa Nyankopɔn, wone Israel Nyankopɔn.+ Sɔre bɛhwɛ nea amanaman no nyinaa reyɛ. Nkontompofo* a wɔn tirim yɛ sum no, nhu wɔn mmɔbɔ.+ (Sela)   Wɔba anwummere biara;+Wopow sɛ ɔkraman,+ na wotwa kurow no ho hyia.+   Hwɛ nsɛm a wɔde wɔn ano keka;*Wɔn anom asɛm* te sɛ sekan;+Wɔka sɛ: “Hena na ɔretie?”+   Nanso wo, Yehowa, wobɛserew wɔn;+Wubedi amanaman nyinaa ho fɛw.+   O Onyankopɔn, wone m’ahoɔden, na wo na m’ani da wo so;+Onyankopɔn ne me guankɔbea.*+ 10  Onyankopɔn a ɔda ɔdɔ a enni huammɔ adi kyerɛ me no betwitwa agye me;+Onyankopɔn bɛma m’atamfo ahwe ase ama madi ahurusi.+ 11  Nkum wɔn na me man werɛ amfi wo nnwuma. Wo tumi nti ma wɔmmɔ asesa;O Yehowa, yɛn kyɛm, ma wɔnhwe ase.+ 12  Wɔde wɔn ano yɛ bɔne keka nsɛm,Enti ma wɔn ahantan nsum wɔn afiri,+Efisɛ wɔdome nkurɔfo na wɔka nnaadaasɛm. 13  Fa abufuw yɛ wɔn pasaa;+Yɛ wɔn pasaa na wɔn ase nhyew;Ma wonhu sɛ Onyankopɔn na odi Yakob so kosi asaase ano noho.+ (Sela) 14  Ma wɔmmra anwummere;Ma wompow sɛ ɔkraman, na wontwa kurow no ho nhyia.+ 15  Ma wɔnnantenantew basabasa nhwehwɛ wɔn ano aduan;+Mma wɔmmmee, na mma wonnnya baabi nntena. 16  Me de, mɛto w’ahoɔden ho dwom.+Anɔpa, mede anigye bɛka wo dɔ a enni huammɔ no ho asɛm. Efisɛ wone me hintabea+Ne m’ahohia bere mu guankɔbea.+ 17  Wone m’ahoɔden, na wo na mɛto ayeyi nnwom* ama wo;+Onyankopɔn ne me guankɔbea, Onyankopɔn a ɔda ɔdɔ a enni huammɔ adi kyerɛ me no.+

Ase Hɔ Nsɛm

Hwɛ Nkyerɛkyerɛmu afã hɔ.
Nt., “wɔnkɔtetɛw fie hɔ.”
Anaa “wɔn a wohwie mogya gu.”
Anaa “me kra.”
Anaa “Afatwafo.”
Anaa “nsɛm a epue fi wɔn anom.”
Nt., “Wɔn ano.”
Anaa “m’abantenten.”
Anaa “mɛbɔ nnwom.”