Nnwom 108:1-13

  • Mpae a wɔde srɛ atamfo so nkonimdi

    • Nkwagye a efi onipa hɔ de, mfaso nni so (12)

    • “Onyankopɔn hɔ na yebenya ahoɔden” (13)

Dwom. Dawid ayeyi dwom. 108  O Onyankopɔn, me koma nhinhim. Mede me koma nyinaa* bɛto ayeyi dwom.+   O sanku, nyan; sankuten, wo nso nyan.+ Menyan ahemanakye.   O Yehowa, meyi wo ayɛ wɔ amanaman mu;Mɛto ayeyi dwom* ama wo wɔ aman nyinaa mu.   Efisɛ wo dɔ a enni huammɔ no so, na ekodu ɔsoro,+Na wo nokwaredi kodu wim.   O Onyankopɔn, ma wo ho so tra ɔsoro;Ma w’anuonyam nkata asaase nyinaa so.+   Nea ɛbɛyɛ a w’adɔfo benya ogye no,Fa wo nsa nifa gye yɛn, na tie m’adesrɛ.+   Onyankopɔn a ɔyɛ kronkron no aka* sɛ: “Medi ahurusi, mede Sekem+ bɛma wɔn sɛ wɔn kyɛfa,Na mesusuw Sukot+ Bon* ama wɔn.   Gilead+ yɛ me dea, Manase nso wɔ me,Na Efraim yɛ dade kyɛw* a ɛhyɛ me;+Yuda yɛ m’ahempoma.*+   Moab yɛ ade a mehohoro me nsa wom.*+ Edom na mɛtow me mpaboa ato.+ Mɛbɔ ose wɔ Filistia ho.”+ 10  Hena na ɔde me bɛkɔ kurow a ɛyɛ den no mu? Hena na obedi m’anim akodu Edom?+ 11  O Onyankopɔn, ɛnyɛ wo na woatow yɛn akyene?Ɛnyɛ wone yɛn Nyankopɔn a wo ne yɛn asraafo nkɔ ɔko bio no?+ 12  Gye yɛn fi ahohia mu,+Efisɛ nkwagye a efi onipa hɔ de, mfaso nni so.+ 13  Onyankopɔn hɔ na yebenya ahoɔden,+Na ɔno na obetiatia yɛn atamfo so.+

Ase Hɔ Nsɛm

Nt., “m’anuonyam nyinaa.”
Anaa “Mɛbɔ nnwom.”
Ebetumi nso akyerɛ, “Onyankopɔn aka wɔ ne kronkronbea.”
Anaa “Asaasetraa.”
Nt., “abannennen.”
Hebri asɛmfua no kyerɛ poma tenten bi a ɛkyerɛ hokwan a onipa titiriw bi wɔ sɛ ɔde ahyɛde ma nkurɔfo.
Nt., “me guasɛn a mehohoro me nsa anaa me nan ho wom.”