Nnwom 29:1-11

  • Ahoɔden wɔ Yehowa nne mu

    • Monhyɛ ntaade kronkron nkotow no (2)

    • “Anuonyam Nyankopɔn no nne bobom sɛ aprannaa” (3)

    • Yehowa bɛma ne nkurɔfo ahoɔden (11)

Dawid dwom. 29  Akatakyi mma, momfa Yehowa nidi mma no;Yehowa anuonyam ne n’ahoɔden nti, momfa nidi mma no.+   Momfa anuonyam a ɛfata Yehowa din mma no; Monhyɛ ntaade kronkron mfa nkotow* Yehowa.*   Yɛte Yehowa nne fi nsu so;Anuonyam Nyankopɔn no nne bobom sɛ aprannaa.+ Yehowa di nsu pii so.+   Ahoɔden wɔ Yehowa nne mu;+Yehowa nne wɔ anuonyam.   Yehowa nne bubu sida nnua;Ampa, Yehowa bubu sida a efi Lebanon mu asinasin.+   Ɔma Lebanon* huruhuruw sɛ nantwi ba,Na ɔma Sirion+ huruhuruw sɛ ɛkoɔ* ba.   Yehowa nne pa ogyaframa;+   Yehowa nne ma sare so asaase wosow,+Yehowa ma Kades+ sare so asaase wosow.   Yehowa nne ma awo ka ɔwansan mpofirim ma ɔwo;Ɛma kwae mu nnua yɛ pasaa.+ Na obiara ka wɔ n’asɔrefi hɔ sɛ: “Anuonyam nka no!” 10  Yehowa te nsu a eyiri* so;+Yehowa bɛyɛ Ɔhene wɔ hɔ daa.+ 11  Yehowa bɛma ne nkurɔfo ahoɔden.+ Yehowa de asomdwoe behyira ne nkurɔfo.+

Ase Hɔ Nsɛm

Anaa “nsom.”
Ebetumi nso akyerɛ, “Yehowa anuonyam kronkron nti, monkotow no.”
Ɛbɛyɛ sɛ ɛyɛ Lebanon mmepɔw.
Anaa “wuram nantwi.”
Anaa “ɛpo a ɛwɔ wim.”