Nnwom 93:1-5

  • Yehowa ahenni korɔn

    • “Yehowa abɛyɛ Ɔhene!” (1)

    • “Wo nkaesɛm nni huammɔ da” (5)

93  Yehowa abɛyɛ Ɔhene!+ Ofura anuonyam te sɛ ntama;Yehowa de ahoɔden ahyehyɛ ne ho.Wabɔ no sɛ abɔso.* Asaase tim hɔ pintinn;Ɛrenhinhim da.   W’ahengua tim hɔ pintinn fi tete;+Wowɔ hɔ fi mmeresanten.+   O Yehowa, nsubɔnten no ayiri,Nsubɔnten no ayiri ma ɛrebu fa so;Nsubɔnten no ayiri, na ɛreworo so.   Yehowa korɔn wɔ sorosoro hɔ,+Ɔkorɔn sen nsu pii nnyigyei,Na ɔyɛ kɛse sen po asorɔkye a ɛrebu fa so.+   Wo nkaesɛm nni huammɔ da.+ O Yehowa, wode kronkronyɛ asiesie* wo fi+ afebɔɔ.

Ase Hɔ Nsɛm

Anaa “bɛlt.”
Anaa “kronkronyɛ fata.”