Nnwom 116:1-19

  • Aseda dwom

    • ‘Dɛn na mede betua Yehowa ka?’ (12)

    • “Mɛma nkwagye kuruwa no so” (13)

    • “Ɛbɔ a mahyɛ Yehowa no, metua” (14, 18)

    • Anokwafo wu yɛ adehwere kɛse (15)

116  Medɔ Yehowa,Efisɛ otie* me nne; otie me sufrɛ.+   Ɔyɛ aso ma* me,+Enti mete nkwa mu yi de,* mesu afrɛ no.   Owu nhama bɛkyekyeree me;Ɔdamoa* yeree me,*+ Na ahohia ne awerɛhow bunkam me so.+   Nanso mebɔɔ Yehowa din sɛ:+ “O Yehowa, gye me!”*   Yehowa wɔ ayamhyehye* na ɔyɛ ɔtreneeni;+Yɛn Nyankopɔn yɛ mmɔborɔhunufo.+   Yehowa wɛn wɔn a wonni nimdeɛ.+ Wɔbrɛɛ me ase, na ogyee me.   Ma me kra* nsan nhome bio,Efisɛ Yehowa ne me adi no yiye.   Woagye me* afi owu mu;M’aniwa anhu nisu, na me nan anhintiw.+   Mɛnantew Yehowa anim wɔ ateasefo asaase so. 10  Ná mewɔ gyidi, enti mekasae.+Mihuu amane pii. 11  Me de, mebɔɔ hu na mekae sɛ: “Onipa biara yɛ ɔtorofo.”+ 12  Nneɛma pa a Yehowa ayɛ ama me nyinaa,Dɛn na mede betua no ka? 13  Mɛma nkwagye* kuruwa no so,Na mɛbɔ Yehowa din. 14  Ɛbɔ a mahyɛ Yehowa no,Metua wɔ ne manfo nyinaa anim.+ 15  Yehowa anokwafo wu+Yɛ adehwere kɛse* ma no. 16  O Yehowa, mesrɛ wo,Meyɛ w’akoa. Meyɛ w’akoa, w’afenaa ba. Nhama a na akyekyere me no, woasansan.+ 17  Mɛbɔ aseda afɔre ama wo;+Yehowa din na mɛbɔ. 18  Ɛbɔ a mahyɛ Yehowa no,+Metua wɔ ne manfo nyinaa anim,+ 19  Metua wɔ Yehowa fi adiwo hɔ;+O Yerusalem, wo mfinimfini na metua. Munyi Yah ayɛ!*+

Ase Hɔ Nsɛm

Ebetumi nso akyerɛ, “Mewɔ ɔdɔ, efisɛ Yehowa tie.”
Anaa “Ɔbɔ ne mu ase tie.”
Anaa “Enti me nkwa nna nyinaa.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Nt., “Sheol ahohia soo me mu.”
Anaa “gye me kra.”
Anaa “Yehowa yɛ ɔdomfo.”
Hwɛ Nkyerɛkyerɛmu afã hɔ.
Anaa “Woagye me kra.”
Anaa “nkwagye kɛse.”
Nt., “aboɔden.”
Anaa “Haleluya!” “Yah” yɛ edin Yehowa a wɔatwa no tiaa.