Nnwom 11:1-7

  • Yehowa ne me guankɔbea

    • “Yehowa wɔ n’asɔrefi kronkron no mu” (4)

    • Onyankopɔn kyi obiara a n’ani gye awudisɛm ho (5)

Wɔde ma dwom kyerɛfo. Dawid dwom. 11  Yehowa ne me guankɔbea.+ Enti ɛyɛ dɛn na moka kyerɛ me* sɛ: “Guan sɛ anomaa kɔ bepɔw so!   Hwɛ sɛnea nnebɔneyɛfo akuntun agyan mu,Wɔde agyan dua no asi hama no soSɛ wɔrebɛtow wɔ sum mu akɔwɔ komam teefo.   Bere a fapem no asɛe yi,Dɛn na ɔtreneeni betumi ayɛ?”   Yehowa wɔ n’asɔrefi kronkron no mu.+ Yehowa ahengua wɔ soro.+ N’ani tua biribiara, na n’aniwa na ɔde pɛɛpɛɛ nnipa mma mu.+   Yehowa pɛɛpɛɛ ɔtreneeni ne ɔdebɔneyɛfo mu;+Okyi* obiara a n’ani gye awudisɛm ho.+   Ɔbɛma mmusu* atɔ agu nnebɔneyɛfo so;Kuruwa a ɛbɛyɛ wɔn kyɛfa ne ogya ne sɔfe*+ ne mframa a emu yɛ hyew.   Yehowa teɛ,+ na ɔdɔ adetrenee.+ Teefo na wobehu n’anim.*+

Ase Hɔ Nsɛm

Anaa “me kra.”
Anaa “Ne kra kyi.”
Nt., “mfiri.”
Anaa “sufre.” Ade bi a ɛte sɛ atuduru a wɔde gu ogya mu ma ɛdɛw.
Anaa “wobenya n’anim dom.”