Nnwom 101:1-8

  • Ɔhene bi de koma a edi mu bɛnantew

    • ‘Me ne obi a ɔyɛ ahantan ani renhyia’ (5)

    • ‘Mɛdom anokwafo’ (6)

Dawid dwom. 101  Ɔdɔ a enni huammɔ ne atemmu ho dwom na mɛto. O Yehowa, wo na mɛto ayeyi dwom* ama wo.   Mede nhumu bɛyɛ ade, na meremma asɛm mma me ho.* Da bɛn na wobɛba me nkyɛn? Koma a edi mu+ na mede bɛbɔ me bra wɔ me fi.   Meremfa biribiara a mfaso nni so* nsi m’ani so. Wɔn a wɔaman afi nea ɛteɛ ho no, mikyi wɔn nneyɛe;+Me ne wɔn nni twaka biara.*   Obi a ne koma asɛe no, meremmɛn no koraa;Merempene adebɔne so.*   Obiara a ɔsɛe ne yɔnko din kokoam no,+Mɛma waka n’ano atom.* Obiara a ɔwɔ ahantan aniwa ne ahomaso koma no,Me ne n’ani renhyia.   Mɛdom asaase so anokwafoSɛnea ɛbɛyɛ a wɔne me bɛtena. Nea ne ho nni asɛm no,* ɔno na ɔbɛsom me.   Ɔdaadaafo biara rentena me fi,Na ɔtorofo biara nni hɔ a obegyina m’anim.*   Anɔpa biara, mɛma asaase so amumɔyɛfo nyinaa ayɛ dinn,*Na mɛpra nnebɔneyɛfo nyinaa afi Yehowa kurow no mu.+

Ase Hɔ Nsɛm

Anaa “mɛbɔ nnwom.”
Anaa “mɛma m’abrabɔ adi mu.”
Anaa “Meremfa adehunu biara.”
Anaa “Wɔn nneyɛe remmɛn me.”
Nt., “Merenhu adebɔne.”
Anaa “Meyi no afi hɔ.”
Anaa “Nea n’abrabɔ di mu no.”
Nt., “obegyina m’ani so.”
Anaa “meyi asaase so amumɔyɛfo nyinaa afi hɔ.”