Nnwom 96:1-13

  • “Monto dwom foforo mma Yehowa”

    • Yehowa na ayeyi sɛ no (4)

    • Amanaman no anyame yɛ anyamehunu (5)

    • Monhyɛ ntaade kronkron nkotow no (9)

96  Monto dwom foforo+ mma Yehowa. Asaase nyinaa, monto dwom mma Yehowa!+   Monto dwom mma Yehowa, munyi ne din ayɛ. Monka ne nkwagye ho asɛmpa da biara.+   Monka n’anuonyam nkyerɛ amanaman;Monka n’anwonwadwuma ho asɛm aman nyinaa mu.+   Yehowa yɛ kɛse; ɔno na ayeyi sɛ no. Ɔfata sɛ yesuro no sen anyame nyinaa.   Amanaman no anyame no nyinaa yɛ anyamehunu;+Yehowa de, ɔno na ɔyɛɛ ɔsoro.+   Nidi ne anuonyam atwa ne ho ahyia;+Ahoɔden ne ahoɔfɛ wɔ ne tenabea kronkron hɔ.+   Mmusua a mowɔ aman nyinaa mu, momfa Yehowa nidi mma no;Yehowa anuonyam ne n’ahoɔden nti, momfa nidi mma no.+   Momfa anuonyam a ɛfata Yehowa din mma no;+Momfa akyɛde mmra ne fi adiwo.   Monhyɛ ntaade kronkron mfa nkotow* Yehowa;*Asaase nyinaa, mo ho mpopo n’anim! 10  Monka wɔ amanaman no mu sɛ: “Yehowa abɛyɛ Ɔhene!+ Asaase tim hɔ pintinn; ɛrenhinhim da. Atɛn a obebu aman no teɛ.”*+ 11  Momma ɔsoro nni ahurusi, na asaase ani nnye.Momma po ne nea ɛwom nyinaa nworo so;+ 12  Momma kwae ne nea ɛwom nyinaa nni ahurusi.+ Wuram nnua nso, momma ne nyinaa nto ahurusi dwom+ 13  Wɔ Yehowa anim, efisɛ ɔreba;*Ɔreba abebu asaase atɛn. Obebu asaase atɛn trenee mu,+Na obebu amanaman atɛn nokwaredi mu.+

Ase Hɔ Nsɛm

Anaa “nsom.”
Ebetumi nso akyerɛ, “Yehowa anuonyam ne ne kronkronyɛ nti, monkotow no.”
Anaa “Obedi aman asɛm ama wɔn.”
Anaa “waba.”