Nnwom 146:1-10

  • Fa wo ho to Onyankopɔn so, na ɛnyɛ nnipa

    • Onipa wu a, ne nsusuwii yera (4)

    • Onyankopɔn ma wɔn a wɔahodwow so gyina hɔ (8)

146  Munyi Yah ayɛ!*+ Ma memfa me koma* nyinaa nyi Yehowa ayɛ.+   Meyi Yehowa ayɛ me nkwa nna nyinaa. Mete nkwa mu yi de, mɛto dwom* ama me Nyankopɔn.   Mommfa mo ho nnto ɔdehye* anaa onipa ba so,Efisɛ ɔrentumi nnye obiara nkwa.+   Ne honhom* fi ne mu, na ɔsan kɔ dɔte mu;+Da no ara, ne nsusuwii yera.+   Anigye ne onipa a ne boafo ne Yakob Nyankopɔn,+Na n’anidaso ne Yehowa, ne Nyankopɔn,+   Nea ɔyɛɛ ɔsoro ne ɛhɔ nneɛma, asaase ne ɛso nneɛma,Ne ɛpo ne emu nneɛma nyinaa no;+Ɔno na odi nokware bere nyinaa,+   Ɔno na obu atɛn ma wɔn a nkurɔfo sisi wɔnNa ɔma wɔn a ɔkɔm de wɔn aduan.*+ Yehowa na oyi wɔn a wɔda afiase.*+   Yehowa na obue anifuraefo aniwa;+Yehowa na ɔma wɔn a wɔahodwow so gyina hɔ;+Yehowa dɔ atreneefo.   Yehowa na ɔbɔ ɔhɔho ho ban;Ɔno na odi boa agyanka ne okunafo,+Na nnebɔneyɛfo agyinatu de, ɔma ɛyɛ ɔkwa.*+ 10  Yehowa bedi hene akosi daa;+O Sion, wo Nyankopɔn bedi hene awo ntoatoaso nyinaa mu. Munyi Yah ayɛ!*

Ase Hɔ Nsɛm

Anaa “Haleluya!” “Yah” yɛ edin Yehowa a wɔatwa no tiaa.
Anaa “memfa me kra.”
Anaa “mɛbɔ nnwom.”
Anaa “ɔbapɔmma.”
Anaa “Ne home.”
Nt., “paanoo.”
Nt., “wɔakyekyere wɔn.”
Anaa “nnebɔneyɛfo kwan de, ɔkyea no.”
Anaa “Haleluya!” “Yah” yɛ edin Yehowa a wɔatwa no tiaa.