Nnwom 80:1-19

  • Wɔhwehwɛɛ ogye fii Israel Hwɛfo no hɔ

    • “O Onyankopɔn, san dom yɛn bio” (3)

    • Israel yɛ Onyankopɔn bobe dua (8-15)

Wɔde ma dwom kyerɛfo; ɔkwan a wɔfa so to no: “Sukooko.” Wɔde kaakae nsɛm. Asaf dwom.+ 80  O Israel Hwɛfo,* tie;Wo na wokyerɛ Yosef kwan sɛnea wɔyɛn nguan.+ Wo a wote kerubim so,*+Ma wo kanea nhyerɛn.*   Ma wo tumi so+Wɔ Efraim ne Benyamin ne Manase anim,Na begye yɛn nkwa.+   O Onyankopɔn, san dom yɛn bio;+Tew w’anim ma yɛn, na yennya nkwa.+   Asafo Yehowa Nyankopɔn, wo man mpaebɔ bɛyɛ wo abufuw* akosi da bɛn?+   Woama nisu adan wɔn aduan,*Na woama wɔanom nisu aboro so.   Woma wɔn a wɔte bɛn yɛn no ko yɛn ho,Na yɛn atamfo di yɛn ho fɛw sɛnea wɔpɛ.+   O asafo Nyankopɔn, san dom yɛn bio;Tew w’anim ma yɛn, na yennya nkwa.+   Wuyii bobe dua+ bi fii Egypt; Wopam amanaman no, na wuduae.+   Wusiesiee baabi maa bobe no,Na enyaa ntini trɛtrɛwee wɔ asaase no so.+ 10  Ne nwini kataa mmepɔw so,Na ne mmaa bunkam Onyankopɔn sida nnua so. 11  Ne mmaa nyin koduu po ho,Na ne nkorabata nso koduu Asubɔnten no* ho.+ 12  Bobefuw* no, adɛn nti na woabubu ɛho afasu a ɛyɛ den no+Ama wɔn a wotwam nyinaa tetew n’aba no bi?+ 13  Kɔkɔte a wɔwɔ wuram no tu gu so we,Na wuram mmoa de yɛ wɔn aduan.+ 14  O asafo Nyankopɔn, yɛsrɛ wo, san bra; Brɛ w’ani ase fi soro na hwɛ nea ɛrekɔ so. Besiesie bobe yi,+ 15  Dua* a wo nsa nifa duae no,+Na bɛhwɛ aba* a woama ayɛ den no.+ 16  Wɔatwa ato fam, na wɔde ogya ahyew.+ W’animka ama ayera. 17  Teɛ wo nsa so onipa a ɔwɔ wo nifa so no mu,Onipa ba a woama no ahoɔden de ahyɛ wo ho anuonyam no.+ 18  Ɛba saa a, yɛrensan mfi w’akyi. Kora yɛn nkwa so na yɛmmɔ wo din mfrɛ wo. 19  O asafo Yehowa Nyankopɔn, san dom yɛn bio;Tew w’anim ma yɛn, na yennya nkwa.+

Ase Hɔ Nsɛm

Nt., “Guanhwɛfo.”
Ebetumi nso akyerɛ, “kerubim ntam.”
Anaa “Ma wo hyerɛn nna adi.”
Nt., “mpaebɔ behuru wo bo.”
Nt., “paanoo.”
Kyerɛ sɛ, Eufrate.
Anaa “Bobeturo.”
Anaa “Bobe abaa.”
Anaa “baa.”