Nnwom 144:1-15

  • Mpae a wɔde srɛ nkonimdi

    • “Ɔdasani ne hena?” (3)

    • ‘Bɔ atamfo hwete’ (6)

    • Anigye ne Yehowa nkurɔfo (15)

Dawid dwom. 144  Yehowa a ɔyɛ me Botan no,+ ayeyi nka no;Ɔno na ɔtete me* ma mitumi kɔ ɔko,Na ɔkyerɛ me* sɛnea mɛko.+   Ɔno na ɔda ɔdɔ a enni huammɔ adi kyerɛ me, na ɔno ne m’abannennen,Me guankɔbea* a ɛyɛ den ne me gyefo;Ɔyɛ me kyɛm ne me hintabea;+Ɔno na ɔka nkurɔfo gu me nan ase.+   O Yehowa, onipa ne hena a wubu ne ho akontaa?Na ɔdasani ne hena a wudwen ne ho?+   Onipa te sɛ hwenem mframa kɛkɛ;+Ne nna te sɛ sunsuma a etwam kɔ.+   O Yehowa, ma ɔsoro nkuntun na sian bra fam;+Fa wo nsa ka mmepɔw ma empuw wusiw.+   Ma anyinam mmɔ m’atamfo nhwete;+Totow w’agyan na ma wɔn ani so ntan wɔn.+   Teɛ wo nsa fi soro;Gye me, na yi me fi nsu a ɛrebu fa so mu.Gye me fi ananafo nsam;+   Wɔn ano ka atosɛmNa wɔma wɔn nsa nifa so ka atoro ntam.*   O Onyankopɔn, mɛto dwom foforo ama wo.+ Mede sanku a ɛso nhama yɛ du bɛto ayeyi dwom* ama wo; 10  Mɛto ama nea ɔma ahemfo di nkonim,*+Na ogye n’akoa Dawid fi sekan a edi awu ano no.+ 11  Ma minnya me ho ntetew, na gye me fi ananafo nsam;Wɔn ano ka atosɛmNa wɔma wɔn nsa nifa so ka atoro ntam. 12  Yɛn mma mmarima bɛyɛ sɛ nnua a ɛrenyin ntɛmntɛm,Na yɛn mma mmea ayɛ sɛ ntwea so adum a ɛwɔ ahemfi. 13  Nnuan ahorow nyinaa bi bɛyɛ yɛn aduan korabea amaama,Na yɛn nguankuw a wogu abɔnten bebu abɔ ho mpempem bebree. 14  Yɛn anantwi a wɔnyenyem no rempira, na wɔrempɔn nso;Yɛrente benabɔ biara wɔ yɛn mmɔnten so. 15  Anigye ne nnipa a ewie wɔn saa! Anigye ne nnipa a wɔn Nyankopɔn ne Yehowa!+

Ase Hɔ Nsɛm

Nt., “ɔtete me nsa.”
Nt., “ɔkyerɛ me nsateaa.”
Anaa “M’abantenten.”
Nt., “wɔma wɔn nsa nifa yɛ nkontompo nsa nifa.”
Anaa “bɛbɔ nnwom.”
Anaa “nea ogye ahemfo nkwa.”