Nnwom 109:1-31

  • Mmɔborɔwa mpaebɔ

    • ‘Ma obi foforo nyɛ ne hwɛfo adwuma no’ (8)

    • Onyankopɔn begyina ohiani afã (31)

Wɔde ma dwom kyerɛfo. Dawid dwom. Ayeyi dwom. 109  O Onyankopɔn, wo na miyi wo ayɛ;+ nyɛ komm.   Efisɛ nnebɔneyɛfo ne nkontompofo bue wɔn ano tia me. Wɔde atoro tɛkrɛma keka me ho nsɛm;+   Wotwa me ho hyia keka nsɛm a ɛyɛ yaw kyerɛ me,Na wɔko tia me kwa.+   Wɔsɔre tia me de tua me dɔ so ka;+Nanso me de, mpae ara na mebɔ.   Wɔde bɔne tua me papayɛ so ka,+Na wɔde ɔtan tua me dɔ so ka.+   Ma ɔdebɔneyɛfo nni no so;Ma ɔsɔretiafo nnyina ne nsa nifa so.   Sɛ wobu no atɛn a, ma onni fɔ;*Ne mpaebɔ mpo, ma wommu no sɛ ɛyɛ bɔne.+   Ma ne nna nyɛ kakraa bi;+Ne hwɛfo adwuma no, ma obi foforo nyɛ.+   Ma ne mma* nyɛ nnyankaNa ne yere nyɛ okunafo. 10  Ma ne mma* nkyinkyin nsrɛsrɛ ade;Ma womfi wɔn amamfo so nkɔhwehwɛ aduan. 11  Sɛ ɛka na ɔde obi a, ma onii no nnye ne ho nneɛma nyinaa,Na ma ahɔho mfom n’agyapade. 12  Mma obiara nnna ayamye* adi nnkyerɛ no,Na ne mma a wɔayɛ nnyanka no, mma obiara nnhu wɔn mmɔbɔ. 13  Ma n’asefo ase nhyew.+Ma wɔmpopa wɔn din mfi awo ntoatoaso mu. 14  Ma Yehowa nkae n’agyanom mfomso,+Na ne maame bɔne nso, mma wɔmmpopa mmfi hɔ. 15  Ma Yehowa nkae wɔn mfomso daa;Ɔmpopa wɔn din mfi asaase so;+ 16  Efisɛ wankae anna adɔe* adi,+Na mmom mmɔborɔwafo, ahiafo, ne wɔn a wɔn koma abubu na ɔtaa wɔn so+Sɛnea ɛbɛyɛ a obekum wɔn.+ 17  Nea na ɔpɛ ara ne sɛ ɔbɛdome nkurɔfo, enti nnome baa no so;N’ani annye ho sɛ obehyira nkurɔfo, enti wannya nhyira biara; 18  Nnome furaa no sɛ ntama. Ebeguu no so sɛ nsu;Eguu ne nnompe mu sɛ ngo. 19  Ma nnome mfura no sɛ ntama,+Na ɛnyɛ sɛ abɔso* a ɔde bɔ n’asen daa. 20  Eyi ne akatua a Yehowa de bɛma nea ɔne me di asi,+Ne wɔn a wɔka me* ho nsɛmmɔne. 21  Nanso wo Awurade Tumfo Yehowa,Wo din nti,+ di m’asɛm ma me. Gye me, efisɛ wo dɔ a enni huammɔ nni ano.+ 22  M’asɛm yɛ mmɔbɔ na ahia me,+Na me koma abubu.+ 23  Mete sɛ sunsuma a ɛretwam akɔ;Wɔaporow me agu sɛ ntutummɛ. 24  Akɔnkyen* nti, me nkotodwe hinhim;Mafɔn ayɛ ketekete, na merehi.* 25  Nkurɔfo tweetwee me.+ Wohu me a, wɔwosow wɔn ti.+ 26  O Yehowa, me Nyankopɔn, boa me;Wo dɔ a enni huammɔ nti, gye me. 27  Ma wonhu sɛ ɛyɛ wo nsa na agye me;O Yehowa, ma wonhu sɛ wo na woayɛ. 28  Ma wɔnnome me, nanso wo de, hyira me. Sɛ wɔsɔre tia me a, ma wɔn ani nwu;Nanso w’akoa de, ma onni ahurusi. 29  Ma wɔn a wɔne me di asi no mfura animguase,Na wɔnhyɛ aniwu sɛ ataade.*+ 30  Mede m’ano beyi Yehowa ayɛ paa;Meyi no ayɛ wɔ nnipa bebree mu.+ 31  Efisɛ obegyina ohiani nsa nifa so,Na wagye no afi wɔn a wɔkasa tia no* no nsam.

Ase Hɔ Nsɛm

Anaa “onni fɔ sɛ ɔdebɔneyɛfo.”
Nt., “ne mma mmarima.”
Nt., “ne mma mmarima.”
Anaa “ɔdɔ a enni huammɔ.”
Anaa “ɔdɔ a enni huammɔ.”
Anaa “bɛlt.”
Anaa “me kra.”
Anaa “Mmuadadi.”
Nt., “Me honam atwintwam, na srade biara nni me honam ani.”
Anaa “ataade nsasin.”
Anaa “wɔkasa tia ne kra.”