Nnwom 147:1-20

  • Onyankopɔn dɔ ne n’anwonwadwuma ho ayeyi

    • Wɔn a wɔn koma abubu no, ɔsa wɔn yare (3)

    • Ɔbobɔ nsoromma nyinaa din frɛfrɛ wɔn (4)

    • Ɔma sukyerɛmma tɔ te sɛ oguan nwi (16)

147  Munyi Yah ayɛ,* Eye sɛ yɛbɛto ayeyi dwom* ama yɛn Nyankopɔn;Hwɛ sɛnea ɛyɛ fɛ na ɛfata sɛ yebeyi no ayɛ!+   Yehowa rekyekye Yerusalem;+Israelfo a wɔahwete no, ɔboaboa wɔn ano.+   Wɔn a wɔn koma abubu no, ɔsa wɔn yare;Ɔkyekyere wɔn akuru.   Onim nsoromma dodow;Ɔbobɔ wɔn nyinaa din frɛfrɛ wɔn.+   Yɛn Awurade yɛ kɛse na ne tumi so;+Yɛrentumi nhwehwɛ ne ntease mu nwie.+   Yehowa pagyaw ɔhobrɛasefo,+Na ɔdebɔneyɛfo de, ɔbrɛ no ase de no hwe fam.   Monto dwom nna Yehowa ase;Momfa sanku nto ayeyi dwom mma yɛn Nyankopɔn;   Ɔno na ɔde omununkum kata wim,Ɔno na osiesie osu ma asaase,+Ɔno na ɔma sare momono fifi+ mmepɔw so.   Ɔma mmoa nya aduan,+Na ɔma kwaakwaadabi mma a wɔresu nya aduan di.+ 10  Ɔpɔnkɔ ahoɔden nka hwee mma no,+Na sɛ onipa nan mu yɛ den mpo a, ɛnyɛ hwee wɔ n’ani so.+ 11  Wɔn a wosuro Yehowa na n’ani gye wɔn ho;+N’ani gye wɔn a wɔtwɛn ne dɔ a enni huammɔ no ho.+ 12  O Yerusalem, hyɛ Yehowa anuonyam. O Sion, yi wo Nyankopɔn ayɛ. 13  Ɔma wo kurow apon mmeamu mu yɛ den;Ohyira wo mma a wɔwɔ kurow no mu. 14  Ɔma asomdwoe ba w’asaase so;+Ɔma wo hwiit papa* di mee.+ 15  Ɔsoma n’ahyɛde ba asaase so;N’asɛm de ahoɔhare kɔ. 16  Ɔma sukyerɛmma tɔkata asaase so te sɛ oguan nwi;+ Ɔpete nsukyenee te sɛ nsõ.+ 17  Ɔtow asukɔtweaa gu te sɛ paanoo mporoporowa.+ Hena na obetumi agyina n’awɔw ano?+ 18  Ɔsoma n’asɛm, na nsukyenee no nan. Ɔma ne mframa bɔ,+ na nsu no sen kɔ. 19  Ɔka n’asɛm kyerɛ Yakob,Na ɔka n’ahyɛde ne n’atemmusɛm kyerɛ Israel.+ 20  Ɔnyɛɛ ɔman biara saa;+Wɔn de, wonnim n’atemmusɛm ho hwee. Munyi Yah ayɛ!*+

Ase Hɔ Nsɛm

Anaa “Haleluya!” “Yah” yɛ edin Yehowa a wɔatwa no tiaa.
Anaa “yɛbɛbɔ nnwom.”
Nt., “hwiit mu srade.”
Anaa “Haleluya!” “Yah” yɛ edin Yehowa a wɔatwa no tiaa.