Nnwom 91:1-16

  • Ahobammɔ wɔ Onyankopɔn hintabea

    • Obegye wo afi nnomaayifo afiri mu (3)

    • Onyankopɔn ntaban ase na obi nya guankɔbea (4)

    • Apem bɛtotɔ nanso ebi renka wo (7)

    • Ɔbɛsoma abɔfo abɛwɛn wo (11)

91  Obiara a ɔte Ɔsorosoroni no hintabea no+Bɛtena ade nyinaa so Tumfo no nwini ase.+   Mɛka akyerɛ Yehowa sɛ: “Wone me guankɔbea ne m’abannennen,+Me Nyankopɔn a mede me ho ato wo so.”+   Ɔno na obegye wo afi nnomaayifo afiri mu,Na wayi wo afi nsanyare a emu yɛ den mu.   Ɔde ne ntakra bɛkata wo so,*Na ne ntaban ase na wubenya guankɔbea.+ Ne nokwaredi+ bɛyɛ ɔkyɛm+ kɛse ne ɔfasu a ɛbɛbɔ wo ho ban.*   Worensuro akomatusɛm a ɛba anadwo+Anaa agyan a wɔtotow no awia;+   Worensuro nsanyare a ahintaw esum mu,Anaa ɔsɛe a ɛba mpofirim awia ketee.   Apem bɛtotɔ wo nkyɛn,Na ɔpedu atotɔ wo nsa nifa so,Nanso wo de, ɛremmɛn wo.+   Wode w’aniwa na ɛbɛhwɛ,Na woahu nnebɔneyɛfo asotwe.*   Esiane sɛ wokae sɛ: “Yehowa ne me guankɔbea” nti, Wode Ɔsorosoroni no ayɛ wo tenabea;*+ 10  Asiane biara rento wo,+Na ɔhaw biara remmɛn wo ntamadan. 11  Wo nti ɔbɛsoma n’abɔfo+Ma wɔawɛn wo w’akwan nyinaa mu.+ 12  Wɔbɛsoa wo wɔn nsa so,+Na woamfa wo nan ampem ɔbo.+ 13  Wubetiatia gyata ne ɔprammiri so;Gyata a ne ho yɛ den ne ɔwɔ kɛse so na wubetiatia.+ 14  Onyankopɔn aka sɛ: “Esiane sɛ ɔdɔ me* nti, megye no.+ Mɛbɔ ne ho ban, efisɛ onim me din.+ 15  Ɔbɛfrɛ me, na megye no so.+ Megyina n’akyi wɔ n’ahohia mu.+ Megye no, na mahyɛ no anuonyam. 16  Mɛma wadi nna amee,+Na mama wahu me nkwagye nnwuma.”*+

Ase Hɔ Nsɛm

Anaa “begye wo ho ban.”
Anaa “akoban.”
Nt., “akatua.”
Ebetumi nso akyerɛ, “abannennen; guankɔbea.”
Nt., “ɔde ne ho abata me ho.”
Anaa “wahu me nkwagye.”