Nnwom 21:1-13

  • Ɔhene a ɔde ne ho too Yehowa so no nyaa nhyira

    • Ɔmaa ɔhene no nkwa tenten (4)

    • Onyankopɔn atamfo bedi nkogu (8-12)

Wɔde ma dwom kyerɛfo. Dawid dwom. 21  O Yehowa, w’ahoɔden mu na ɔhene di ahurusi;+Hwɛ sɛnea odi ahurusi kɛse wɔ wo nkwagye nnwuma mu!+   Woama no ne koma so ade,+Na n’abisade* nso, woamfa ankame no. (Sela)   Wode nhyira pii hyia no;Wode ahenkyɛw a wɔde sika kɔkɔɔ amapa* ayɛ ahyɛ no.+   Obisaa wo hɔ nkwa, na wode maa no,+Womaa no nkwa tenten, womaa no nkwa a enni awiei.   Wo nkwagye nnwuma hyɛ no anuonyam kɛse.+ Woma onya nidi ne anuonyam.   Woayɛ no obi a wɔahyira no daa;+Woma n’ani gye, efisɛ woka ne ho.+   Ɔhene de ne ho ato Yehowa so;+Ɔsorosoroni no dɔ a enni huammɔ nti, ɔrenhinhim da.+   Wo nsa bɛka w’atamfo nyinaa;Wo nsa nifa beso wɔn a wɔtan wo no mu.   Sɛ bere a wobɛba wɔn so no du a, wobɛyɛ wɔn sɛ nea wɔatow wɔn agu ogya fononoo mu. Yehowa abufuw mu na ɔbɛmene wɔn, na ogya bɛhyew wɔn.+ 10  Wobɛtɔre wɔn mma ase afi asaase so,Na wobɛpopa wɔn asefo afi nnipa mma mu; 11  Efisɛ wɔrepɛ wo adi wo bɔne;+Wɔabɔ pɔw bɔne, nanso ɛremma mu.+ 12  W’agyan* a wode akyerɛ wɔn so nti,Wɔbɛdan wɔn ho aguan.+ 13  O Yehowa, sɔre na kyerɛ wo tumi. Yɛbɛto ayeyi nnwom,* yɛbɛto wo kɛseyɛ ho dwom.

Ase Hɔ Nsɛm

Anaa “n’ano abisade.”
Anaa “sika kɔkɔɔ a wɔayiyi mu fĩ.”
Nt., “W’agyan hama.”
Nt., “Yɛbɛto na yɛabɔ nnwom.”