Nnwom 35:1-28

  • Mpae a wɔde srɛ ogye fi atamfo nsam

    • Wɔbɛpam atamfo (5)

    • Meyi Onyankopɔn ayɛ wɔ nnipa dodow mu (18)

    • Wɔtan me kwa (19)

Dawid dwom. 35  O Yehowa, m’atamfo ne me anya, enti di m’asɛm ma me;+Wo ne wɔn a wɔne me ko no nko.+   Fa ɔkyɛm ketewa* ne ɔkyɛm kɛse,+Na sɔre bɛko ma me.+   Wɔn a wɔtaa me so no, twe peaw ne abonnua* hyia wɔn.+ Ka kyerɛ me* sɛ: “Mene wo nkwagye.”+   Ma wɔn a wɔrehwehwɛ me akum me* no ani nwu, na wɔn anim ngu ase.+ Ma wɔn a wɔbɔ me ho pɔw sɛ wobeyi me afi hɔ no mfa aniwu nnan wɔn ho nguan.   Ma wɔnyɛ sɛ ntɛtɛwa wɔ mframa mu;Ma Yehowa bɔfo mpam wɔn.+   Sɛ Yehowa bɔfo taa wɔn so a,Ma wɔn kwan mu nyɛ sum, na ɛso nyɛ toro.   Wɔasum me afiri sɛ enyi me bere a menyɛɛ wɔn hwee;Menyɛɛ wɔn hwee, nanso wɔatu amoa sɛ wɔde bɛkyere me.*   Ma ɔsɛe mmra wɔn so mpofirim,Na ma afiri a wɔasum no nyi wɔn ankasa;Ma wɔnhwe mu, na wɔnsɛe korakora.+   Na me de, medi* ahurusi wɔ Yehowa mu;M’ani begye ne nkwagye nnwuma mu. 10  Me nnompe nyinaa bɛka sɛ: “O Yehowa, hena na ɔte sɛ wo? Wo na wugye mmɔborɔwa fi nea ɔyɛ den sen no nsam;+Wugye mmɔborɔwa ne ohiani fi nea osisi no nsam.”+ 11  Nkurɔfo di adanse tia me,+Na nea minnim ho hwee na wɔde ho sobo bɔ me. 12  Wɔde bɔne tua papa a meyɛ so ka,+Na ɛma midi awerɛhow.* 13  Me de, bere a wɔyaree no, mifuraa awerɛhow ntama,*Meyɛɛ akɔnkyen* brɛɛ me ho ase,*Na bere a mebɔɔ mpae a mannya ho mmuae no,* 14  Menantew dii awerɛhow te sɛ nea meregyam me yɔnko anaa me nua;Mede awerɛhow sii me ti ase te sɛ obi a ɔregyam ne maame. 15  Nanso bere a mehwee ase* no, wodii ahurusi na wɔkaa wɔn ho boaa ano;Wɔka boom tetɛw me sɛ wɔbɛbɔ me ahwe fam;Wɔtetew me mu pasaa, na wɔanka wɔn ano antom. 16  Nnebɔneyɛfo tweetwee me di me ho fɛw;*Wɔtwɛre wɔn se gu me so.+ 17  O Yehowa, wobɛhwɛ akosi da bɛn?+ Gye me* fi wɔn nsam;+Me nkwa a ɛsom bo* no, gye fi agyata* a wɔn ho yɛ den nsam.+ 18  Ɛno na mɛkamfo wo wɔ asafo kɛse mu;+Meyi wo ayɛ wɔ nnipa dodow mu. 19  Mma wɔn a wokyi me kwa no nnni me ho ahurusi;Na wɔn a wɔtan me kwa+ no, mma wonnnya me nnni me ho fɛw,+ 20  Efisɛ wɔnka asomdwoesɛm;Mmom, wodwen nnaadaasɛm tia wɔn a wodwo wɔ asaase so no.+ 21  Wɔbae wɔn anom bɔ me sobo;Wɔka sɛ: “Ahaa! Ahaa! Yɛde yɛn ani ahu.” 22  O Yehowa, woahu eyi. Nyɛ dinn.+ O Yehowa, mfi me nkyɛn nkɔ akyirikyiri.+ 23  Nyan na sɔre betwitwa gye me,Me Nyankopɔn Yehowa, di m’asɛm ma me. 24  O Yehowa me Nyankopɔn, bu me atɛn sɛnea wo trenee te;+Mma wonnni me ho ahurusi. 25  Mma wɔnnka wɔ wɔn koma mu da sɛ: “Ahaa, nea yɛrehwehwɛ* ara ni!” Mma wɔnnka da sɛ: “Yɛamene no.”+ 26  Wɔn a wodi m’amanehunu ho ahurusi no,Ma wɔn nyinaa mfɛre na wɔn anim ngu ase. Ma wɔn a wɔma wɔn ho so tia me no mfura aniwu ne animguase. 27  Na wɔn a wɔn ani gye sɛ meyɛ adetrenee no de, ma wonni ahurusi;Ma wɔnka daa sɛ: “Monkamfo Yehowa; ɔno na n’ani gye n’akoa asomdwoe ho.”+ 28  Ɛno na me tɛkrɛma bɛka wo trenee ho asɛm*+Na mayi wo ayɛ daa nyinaa.+

Ase Hɔ Nsɛm

Akyɛm nketewa a agyantofo taa kura.
Anaa “abonnua a afanu nyinaa tumi twa.”
Anaa “me kra.”
Anaa “me kra.”
Anaa “me kra.”
Anaa “me kra bedi.”
Anaa “mete nka sɛ me kra ahwere ade.”
Anaa “atweaatam.” Hwɛ Nkyerɛkyerɛmu afã hɔ.
Anaa “Midii mmuada.”
Anaa “me kra ase.”
Anaa “Na bere a me mpaebɔ san beguu me kokom no.”
Anaa “me hintiwii.”
Ebetumi nso akyerɛ, “keeki nti, nnebɔneyɛfo di me ho fɛw.”
Anaa “me kra.”
Nt., “M’ade koro,” ɛkyerɛ ne kra anaa ne nkwa.
Anaa “agyatanini.”
Anaa “nea yɛn kra rehwehwɛ.”
Anaa “Ɛno na medwinnwen wo trenee ho.”