Nnwom 71:1-24

  • Ahotoso a nkwakoraa betumi anya

    • Mede me werɛ ahyɛ Onyankopɔn mu fi me mmofraase (5)

    • “Sɛ m’ahoɔden so huan a, nnyaw me” (9)

    • ‘Onyankopɔn akyerɛkyerɛ me fi me mmofraase’ (17)

71  O Yehowa, wo na mede wo ayɛ me guankɔbea. Mma m’anim nngu ase da.+   Wo trenee nti twitwa gye me, na gye me nkwa. Yɛ aso ma* me na gye me.+   Bɛyɛ ɔbotantim ma meNa daa manya baabi akɔtɛw. Soma ma obi mmegye me nkwa,Efisɛ wone me botan ne m’abannennen.+   O me Nyankopɔn, gye me fi ɔdebɔneyɛfo nsam,+Gye me fi otirimɔdenfo sisifo nsam.   Efisɛ Awurade Tumfo Yehowa, wone m’anidaso;Wo na mede me werɛ ahyɛ wo mu* fi me mmofraase.+   Efi bere a wɔwoo me, wo na mede me ho ato wo so;Wo na wuyii me fii me maame yam.+ Meyi wo ayɛ daa.   Me ho yɛ nnipa bebree nwonwa,Nanso minim sɛ wone me guankɔbea.   W’ayeyi ahyɛ m’anom ma;+Daa nyinaa meka w’anuonyam ho asɛm.   Ntow me nkyene me nkwakoraabere mu;+Sɛ m’ahoɔden so huan a, nnyaw me.+ 10  M’atamfo kasa tia me,Na wɔn a wɔrepɛ me akum me* no bom tu agyina.+ 11  Wɔka sɛ: “Onyankopɔn agyaw no. Muntiw no na monkyere no, efisɛ onni ogyefo.”+ 12  O Onyankopɔn, mma wo ne me ntam nnware. O me Nyankopɔn, yɛ ntɛm bɛboa me.+ 13  Wɔn a wɔne me* di asi no,Ma wɔn ani nwu na wɔn ase nhyew.+ Wɔn a wɔpɛ me sɛe no,Ma womfura aniwu ne animguase.+ 14  Na me de, mɛtwɛn daa;Ayeyi a mede ma wo no, mede bi bɛka ho. 15  M’ano bɛka wo trenee ho asɛm;+Ɛbɛka wo nkwagye nnwuma ho asɛm daa nyinaa,Ɛdɔɔso ara ma merentumi nkan.*+ 16  O Awurade Tumfo Yehowa,Mɛkɔ akɔka wo tumi kɛse no ho asɛm,Mɛka wo trenee ho asɛm; wo nkutoo de na mɛka ho asɛm. 17  O Onyankopɔn, woakyerɛkyerɛ me fi me mmofraase,+Na maka w’anwonwadwuma ho asɛm+ de abesi nnɛ. 18  O Onyankopɔn, sɛ mebɔ akwakoraa na mifuw dwen mpo a, nnyaw me.+ Ma menka wo tumi* ho asɛm nkyerɛ awo ntoatoaso,Na menka wo kɛseyɛ ho asɛm nkyerɛ nkyirimma+ nyinaa. 19  O Onyankopɔn, wo trenee kodu sorosoro;+Nneɛma akɛse na woayɛ;O Onyankopɔn, hena koraa na ɔte sɛ wo?+ 20  Woama mafa amanehunu ne ahohia mu,+Nanso ma minnyina me nan so bio;Ma me so fi bun* mu.+ 21  Ma m’anuonyam nyɛ kɛse,Na bɛbɔ me ho ban na kyekye me werɛ. 22  Ɛno bɛma mede sanku ayi wo ayɛ,O me Nyankopɔn, esiane wo nokwaredi nti.+ O Israel Kronkronni,Mede sankuten bɛto nnwom ayi wo ayɛ.* 23  M’ano bedi ahurusi na ato ayeyi nnwom ama wo,+Efisɛ woagye me nkwa.*+ 24  Me tɛkrɛma bɛka wo trenee ho asɛm* daa nyinaa,+Efisɛ wɔn a wɔpɛ me sɛe no ani bewu, na wɔn anim agu ase.+

Ase Hɔ Nsɛm

Anaa “Bɔ wo mu ase na tie.”
Anaa “Wone m’ahotoso.”
Anaa “wɔrepɛ me kra.”
Anaa “wɔne me kra.”
Anaa “merentumi mmu ne dodow ano.”
Nt., “basa.”
Anaa “subun.”
Anaa “bɛbɔ nnwom ama wo.”
Anaa “woagye me kra.”
Anaa “bedwinnwen wo trenee ho.”