Nnwom 7:1-17

  • Yehowa yɛ Ɔtemmufo a ɔteɛ

    • ‘O Yehowa, bu me atɛn’ (8)

Dawid awerɛhow dwom* a Benyaminni Kus nsɛm nti, ɔto maa Yehowa. 7  O Yehowa me Nyankopɔn, wo na mede wo ayɛ me guankɔbea.+ Gye me fi wɔn a wɔtaa me nyinaa nsam, na gye me nkwa.+   Anyɛ saa a wɔbɛtetew me* mu asinasin sɛnea gyata tetew nam mu no,+Na wobehwim me akɔ a obiara rentumi nnye me.   O Yehowa me Nyankopɔn, sɛ mfomso bi na madi,Sɛ bɔne bi na mayɛ,   Sɛ mede bɔne atua nea wayɛ me papa ka,+Anaa mafom me tamfo nneɛma kwa a,*   Ɛnde ma ɔtamfo ntaa me, na ɔmmɛkyere me;*Ma ontiatia me* so wɔ famNa ɔmma m’anuonyam nsɛe wɔ dɔte mu. (Sela)   O Yehowa, fa abufuw sɔre;Sɔre ko tia m’atamfo abufuw,+Ma wo mu so na boa me, na hwɛ ma wɔmfa atɛntrenee nto nea ɛda.+   Ma amanaman no ntwa wo ho nhyia,Na wufi soro bɛko atia wɔn.   Yehowa bebu aman atɛn.+ O Yehowa, sɛnea me trenee teNe sɛnea m’abrabɔ di mu no, hwɛ ho bu me atɛn.+   Mesrɛ wo, ma nnebɔneyɛfo bɔne to ntwa, Na ma ɔtreneeni ase ntim,+Efisɛ woyɛ trenee Nyankopɔn+ a wohwehwɛ koma mu+ ne nea ɛwɔ nnipa mu.*+ 10  Onyankopɔn ne me kyɛm;+ ɔno na ogye komam teefo.+ 11  Onyankopɔn yɛ Ɔtemmufo a ɔteɛ,+Na da biara Onyankopɔn ka n’atemmusɛm.* 12  Sɛ obi ansakra a,+ Onyankopɔn sew ne sekan ano,+Ɔkoa n’agyan mu, na osiesie twɛn.+ 13  Osiesie n’akode a edi awu;N’agyan a ogyaframa wɔ ano no, ɔyɛ no krado.+ 14  Hwɛ! Obi nyem bɔne;Onyinsɛn ɔhaw, na ɔwo nkontompo.+ 15  Ɔbɔ amoa, na otu ma ɛkɔ fam;Nanso obon a watu no, ɔno ara na ɔbɛtɔ mu.+ 16  Ɔhaw a ɔkɔfa ba no, ɔno ankasa ti so na ɛbɛba;+N’awudisɛm no, n’apampam na ɛbɛba. 17  Meyi Yehowa ayɛ, n’atɛntrenee nti;+Mɛto ayeyi nnwom* ama Ɔsorosoroni Yehowa din.+

Ase Hɔ Nsɛm

Anaa “kwadwom.”
Anaa “me kra.”
Ebetumi nso akyerɛ, “Anaa mede obi a ɔtan me kwa ho akyɛ no a.”
Anaa “me kra.”
Nt., “me nkwa.”
Anaa “koma ne asaabo mu.”
Anaa “Onyankopɔn hwie afobusɛm.”
Anaa “Mɛbɔ nnwom.”