Nnwom 135:1-21

  • Yah yɛ kɛse, enti munyi no ayɛ

    • Ɔyɛɛ nsɛnkyerɛnne ne anwonwade wɔ Egypt (8, 9)

    • “Wo din wɔ hɔ daa” (13)

    • Ahoni nni nkwa (15-18)

135  Munyi Yah ayɛ!* Munyi Yehowa din ayɛ;Yehowa nkoa, munyi no ayɛ,+   Mo a mugyina Yehowa fi,Yɛn Nyankopɔn fi adiwo no.+   Munyi Yah ayɛ, efisɛ Yehowa ye.+ Monto ayeyi nnwom* mma ne din, na ɛyɛ dɛ.   Efisɛ Yah apaw Yakob ayɛ ne de;Ɔde Israel ayɛ n’agyapade titiriw.*+   Minim sɛ Yehowa yɛ kɛse;Yɛn Awurade yɛ kɛse kyɛn anyame nyinaa.+   Nea ɛsɔ Yehowa ani biara no, ɔyɛ+Wɔ ɔsoro ne asaase so, ɛpo ne ebun nyinaa mu.   Ɔma mununkum* fi asaase anoano foro kɔ soro;Ɔyɛ anyinam ka osu ho,*Na ɔde mframa fi n’adekora adan mu ba.+   Nnipa ne mmoa nyinaa,Okunkum wɔn mmakan wɔ Egypt.+   O Egypt, ɔsomaa nsɛnkyerɛnne ne anwonwade baa wo mu;+Ɛbaa Farao ne ne nkoa nyinaa so.+ 10  Ɔsɛee aman bebree,+Na okunkum ahemfo a wɔyɛ den+ 11  Te sɛ Amorifo hene Sihon+Ne Basan hene Og,+Na ɔsɛee Kaanan ahenni nyinaa. 12  Ɔde wɔn asaase maa ne nkurɔfo sɛ agyapade;Ɔde maa Israel sɛ agyapade.+ 13  O Yehowa, wo din wɔ hɔ daa. O Yehowa, wo din* bɛtrɛw afi awo ntoatoaso so akosi awo ntoatoaso nyinaa so.+ 14  Efisɛ Yehowa betwitwa agye ne nkurɔfo,*+Na obehu ne nkoa mmɔbɔ.+ 15  Amanaman no ahoni yɛ dwetɛ ne sika kɔkɔɔ,Onipa nsa ano adwuma.+ 16  Wɔwɔ ano, nanso wɔnkasa;+Wɔwɔ aniwa, nanso wonhu ade; 17  Wɔwɔ aso, nanso wɔnte asɛm. Wɔwɔ hwene nanso wɔnhome.+ 18  Nnipa a wɔyɛ saa ahoni no, wɔbɛyɛ sɛ ahoni no ara,+Na obiara a ɔde ne ho to ahoni no so no, ɔno nso bɛyɛ sɛ ahoni no ara.+ 19  O Israel fi, munyi Yehowa ayɛ. O Aaron fi, munyi Yehowa ayɛ. 20  O Lewi fi, munyi Yehowa ayɛ.+ Mo a musuro Yehowa, munyi Yehowa ayɛ. 21  Yehowa a ɔte Yerusalem no,+Ma womfi Sion nyi no ayɛ.+ Munyi Yah ayɛ!+

Ase Hɔ Nsɛm

Anaa “Haleluya!” “Yah” yɛ edin Yehowa a wɔatwa no tiaa.
Anaa “Mommɔ nnwom.”
Anaa “n’agyapade a ɛda ne koma so.”
Anaa “suwusiw.”
Ebetumi nso akyerɛ, “Wayiyi akwan ama osu.”
Nt., “wo nkae.”
Anaa “bedi ne nkurɔfo asɛm ama wɔn.”