Nnwom 74:1-23

  • Ɔbɔɔ mpae sɛ Onyankopɔn nkae ne nkurɔfo

    • Ɔkaee Onyankopɔn nkwagye nnwuma (12-17)

    • “Kae sɛnea ɔtamfo twa wo adapaa” (18)

Maskil.* Asaf+ dwom. 74  O Onyankopɔn, adɛn nti na woapo yɛn koraa yi?+ Wo nguan a wohwɛ wɔn so no, adɛn nti na wo bo afuw wɔn denneennen saa?*+   Kae nkurɔfo* a wunyaa wɔn teteete no,+Abusua a woafa wɔn de wɔn ayɛ w’agyapade no.+ Kae Sion Bepɔw a wote so no.+   Twa w’ani bɛhwɛ kurow a asɛe afebɔɔ no.+ Biribiara a ɛwɔ kronkronbea hɔ no, atamfo ayɛ no pasaa.+   W’atamfo boboom wɔ wo nhyiambea hɔ.+ Wɔde wɔn ankasa frankaa ayeyɛ ahyɛnsode asisi hɔ.   Wɔyɛe sɛ mmarima a wɔatwe abonnua asi kwaebirentuw mu.   Wɔde mmonnua ne nnade asɛe ɛho adwini nyinaa.+   Wɔde ogya too wo kronkronbea no mu.+ Woguu ntamadan a wo din da so no ho fĩ, na wɔbrɛɛ no ase koraa.   Wɔne wɔn asefo nyinaa ka wɔ wɔn komam sɛ: “Yɛbɛhyew Onyankopɔn nhyiambea a ɛwɔ* asaase no so nyinaa.”   Yenhu nsɛnkyerɛnne biara;Odiyifo biara nni hɔ bio,Na obiara nni yɛn mu a onim bere tenten a ebedi. 10  O Onyankopɔn, atamfo betwa wo adapaa akosi da bɛn?+ Atamfo bebu wo din animtiaa afebɔɔ anaa?+ 11  Adɛn nti na woaka wo nsa ahyɛ? Wo nsa nifa no, adɛn na woaka ahyɛ?+ Yi fi wo kokom* na sɛe wɔn. 12  Nanso Onyankopɔn ne me Hene fi teteete;Ɔno na ɔyɛ nkwagye nnwuma akɛse wɔ asaase so.+ 13  Wode w’ahoɔden hwanyan po;+Wobobɔɔ nsuboa akɛse ti wɔ nsu mu. 14  Wobobɔɔ Lewiatan* ti pasaa;Wode maa nnipa sɛ aduan; wode maa wɔn a wɔtete sare so no. 15  Wopaee akwan maa asuti ne nsubɔnten,+Na womaa nsu a ɛsen daa yowee.+ 16  Adekyee yɛ wo dea, na adesae nso wɔ wo. Wo na woyɛɛ hann* ne owia.+ 17  Wo na wutwitwaa asaase ahye nyinaa;+Ahohuru bere ne awɔw bere nso, wo na woyɛe.+ 18  O Yehowa, kae sɛnea ɔtamfo twa wo adapaa,Na ɔman a wonni adwene bu wo din animtiaa.+ 19  Mfa w’aborɔnoma nkwa* nhyɛ wuram mmoa nsa. Wo nkurɔfo a wɔn asɛm yɛ mmɔbɔ no, mma wo werɛ mmfi wɔn afebɔɔ. 20  Kae apam a wo ne yɛn ayɛ no,Efisɛ baabi a esum wɔ wɔ asaase so no, awudisɛm ahyɛ hɔ ma. 21  Mma nea wɔabubu no pasaa no mmfa aniwu nnkɔ.+Ma mmɔborɔwa ne ohiani nyi wo din ayɛ.+ 22  O Onyankopɔn, sɔre na di w’asɛm. Kae sɛnea daa nyinaa wɔn a wonni adwene keka wo ho nsɛmmɔne.+ 23  Mma wo werɛ mmfi nsɛm a w’atamfo rekeka. Wɔn a wɔsɔre tia wo no, wɔn dede kɔ soro daa.

Ase Hɔ Nsɛm

Hwɛ Nkyerɛkyerɛmu afã hɔ.
Nt., “w’abufuw repuw wusiw gu wɔn so saa?”
Nt., “w’asafo.”
Anaa “baabi a wɔsom Onyankopɔn wɔ.”
Anaa “Yi fi w’ataade mu.”
Hwɛ Nkyerɛkyerɛmu afã hɔ.
Anaa “kanea.”
Anaa “kra.”