Nnwom 30:1-12

  • Awerɛhow adan ahurusi

    • Onyankopɔn adom tena hɔ afebɔɔ (5)

Ayeyi dwom. Dwom a wɔde hyiraa ɔdan no so. Dawid dwom. 30  O Yehowa, mɛkamfo wo, efisɛ woama me so;*Woamma m’atamfo anni me ho ahurusi.+   O Yehowa me Nyankopɔn, misu frɛɛ wo, na wosaa me yare.+   O Yehowa, woayi me* afi Ɔdamoa* mu;+ Woama matena nkwa mu; woamma mankɔtɔ amoa* mu.+   Yehowa anokwafo nyinaa, monto ayeyi nnwom* mma no,+Munyi ne din* kronkron no ayɛ,+   Efisɛ n’abufuw nkyɛ wɔ onipa so,+Na n’adom de, ɛtena hɔ afebɔɔ.+ Sɛ onipa su anwummere mpo a, anɔpa obedi ahurusi.+   Bere a nneɛma rekɔ yiye no, mekae sɛ: “Merenhinhim ara da.”   O Yehowa, bere a meda wo koma so* no, woma mitimii sɛ bepɔw.+ Nanso bere a wode w’anim hintawee no, mebɔɔ hu.+   O Yehowa, wo na daa na mefrɛ wo;+Yehowa na mekotow srɛɛ no daa sɛ ɔmmoa me.   Sɛ mekɔ amoa* mu a, mfaso bɛn na ɛwɔ me wu* so?+ Dɔte betumi ayi wo ayɛ?+ Ebetumi aka wo nokwaredi akyerɛ nkurɔfo anaa?+ 10  Yehowa, tie me ɛ, na dom me.+ O Yehowa, boa me.+ 11  Woama m’awerɛhow adan asaw;Woayi me ho awerɛhow ntama,* na wode ahurusi afura me; 12  Ɛno nti mɛto ayeyi nnwom ama wo, na merenyɛ komm. O Yehowa me Nyankopɔn, meyi wo ayɛ daa.

Ase Hɔ Nsɛm

Anaa “woatwe me.”
Anaa “woayi me kra.”
Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
Anaa “ɔdamoa.”
Anaa “mommɔ nnwom.”
Nt., “nkae.”
Anaa “minyaa w’anim dom.”
Anaa “ɔdamoa.”
Nt., “me mogya.”
Anaa “atweaatam.” Hwɛ Nkyerɛkyerɛmu afã hɔ.