Nnwom 76:1-12

  • Onyankopɔn dii Sion atamfo so nkonim

    • Onyankopɔn gye ahobrɛasefo (9)

    • Ɔbɛbrɛ atamfo a wɔyɛ ahomaso ase (12)

Wɔde ma dwom kyerɛfo sɛ wɔmfa asanku nto. Asaf+ dwom. 76  Onyankopɔn agye din wɔ Yuda;+Ne din yɛ kɛse+ wɔ Israel.   Salem+ na ne hintabea wɔ,Na ne tenabea wɔ Sion.+   Ɛhɔ na ɔsɛee agyan a ɛredɛw,Akyɛm, asekan, ne akode nyinaa.+ (Sela)   Wohyerɛn;*Woyɛ okokuroko; wokyɛn mmepɔw a nkekaboa ayɛ so ma.   Wɔafom akokodurufo nneɛma,+ Wɔadeda;Akofo no mu biara antumi anyɛ hwee.+   O Yakob Nyankopɔn, apɔnkɔ ne wɔn a wɔka nteaseɛnam no,Woaka wɔn nyinaa anim ama wɔadeda hatee.+   Wo na wo ho yɛ hu.+ Wo bo fuw denneennen a, hena na obetumi agyina ano?+   Woma wɔtee w’atemmu fii soro;+Asaase bɔɔ hu na ɛyɛɛ dinn;+   Saa bere no na Onyankopɔn sɔre buu atɛnSɛ ɔregye asaase so ahobrɛasefo.+ (Sela) 10  Onipa bo fuw koraa a, etumi de ayeyi brɛ wo;+Wɔn abufuw no, wode nea ɛka ase no mpo hyɛ wo ho anuonyam. 11  Monhyɛ Yehowa mo Nyankopɔn bɔ na munni so.+Ma wɔn a wɔatwa ne ho ahyia nyinaa mfa ahopopo mmɛkyɛ no ade.+ 12  Ɔbɛbrɛ atumfo a wɔyɛ ahomaso* ase;Ɔma ehu ka asaase so ahemfo.

Ase Hɔ Nsɛm

Anaa “Hann atwa wo ho ahyia.”
Nt., “atumfo honhom.”