Nnwom 2:1-12

  • Yehowa ne nea wasra no no ho asɛm

    • Yehowa bɛserew amanaman no (4)

    • Yehowa asi ne hene (6)

    • Monhyɛ ɔba no anuonyam (12)

2  Adɛn nti na amanaman yɛ gyegyeegyeNa nkurɔfo no keka nsɛnhunu?*+   Asaase so ahemfo sɔre gyina,Na atumfo bom sɔre* tia+ YehowaNa wɔsɔre tia nea wasra no no.*+   Wɔka sɛ: “Momma yɛntetew wɔn nkɔnsɔnkɔnsɔn mu,Na yɛntow wɔn nhama no ngu!”   Nea ɔte ahengua so wɔ soro no bɛserew;Yehowa bedi wɔn ho fɛw.   Saa bere no, ɔbɛkasa akyerɛ wɔn n’abufuw mu,Na n’abufuhyew nti wɔbɛbɔ hu.   Ɔbɛka sɛ: “Me na masi me hene+Wɔ Sion,+ me bepɔw kronkron no so.”   Ma menka Yehowa mmara ho asɛm;Ɔka kyerɛɛ me sɛ: “Woyɛ me ba;+Ɛnnɛ mabɛyɛ w’agya.+   Bisa me, na mede amanaman bɛma wo sɛ w’agyapade;Mede asaase nyinaa bɛma wo ma woadi so.+   Wode dade poma+ bebubu wɔn pasaa,Na woayam wɔn sɛ ɔnwemfo anwenne.”+ 10  Afei ahemfo, munhu nyansa;Asaase so atemmufo, momma wɔnteɛteɛ mo.* 11  Momfa osuro nsom Yehowa,Na momfa ahopopo nni ahurusi wɔ ne mu. 12  Monhyɛ ɔba+ no anuonyam* na Onyankopɔn bo* amfuw,Na moansɛe wɔ ɔkwan no mu,*+Efisɛ n’abufuw tumi dɛw ntɛm. Anigye ne wɔn a wɔde no yɛ wɔn guankɔbea nyinaa.

Ase Hɔ Nsɛm

Anaa “dwinnwen nsɛnhunu ho.”
Anaa “bom tu agyina.”
Anaa “ne Kristo no.”
Anaa “momma wɔmmɔ mo kɔkɔ.”
Nt., “Momfew ɔba no ano.”
Nt., “na ne bo.”
Nt., “moanyera wɔ ɔkwan no mu.”