Nnwom 60:1-12

  • Onyankopɔn di atamfo so nkonim

    • Nkwagye a efi onipa hɔ de, mfaso nni so (11)

    • “Onyankopɔn hɔ na yebenya ahoɔden” (12)

Wɔde ma dwom kyerɛfo; ɔkwan a wɔfa so to no: “Sukooko Nkae.” Miktam.* Dawid dwom. Wɔde kyerɛkyerɛ. Saa bere no, na ɔne Aram-Naharaim ne Aram-Soba ako ma Yoab abekunkum Edomfo 12,000 wɔ Nkyene Bon no mu.+ 60  O Onyankopɔn, wotow yɛn kyenee, na wotow hyɛɛ yɛn so.+ Wo bo fuw yɛn. Nanso afei de, gye yɛn tom bio.   Womaa asaase wosowee, womaa emu paapaee. Keka si anim bio, na ɛretetew apansam.   Woama wo man ahu amane. Woama yɛanom nsã* ama yɛn ti sisi fam.+   Wɔn a wosuro wo no, ma wɔn ahyɛnsode*Na wɔatumi aguan agyan. (Sela)   Nea ɛbɛyɛ a w’adɔfo benya ogye no,Fa wo nsa nifa gye yɛn, na tie yɛn adesrɛ.+   Onyankopɔn a ɔyɛ kronkron no aka* sɛ: “Medi ahurusi, mede Sekem bɛma wɔn sɛ wɔn kyɛfa,+Na mesusuw Sukot Bon* ama wɔn.+   Gilead yɛ me dea, Manase+ nso wɔ me,Na Efraim yɛ dade kyɛw* a ɛhyɛ me;Yuda yɛ m’ahempoma.*+   Moab yɛ ade a mehohoro me nsa wom.*+ Edom na mɛtow me mpaboa ato.+ Mɛbɔ ose wɔ Filistia ho.”+   Hena na ɔde me bɛkɔ kurow a wɔatwa ho ahyia* no mu? Hena na obedi m’anim akodu Edom?+ 10  O Onyankopɔn, ɛnyɛ wo na woatow yɛn akyene?Ɛnyɛ wone yɛn Nyankopɔn a wo ne yɛn asraafo nkɔ ɔko bio no?+ 11  Gye yɛn fi ahohia mu,Efisɛ nkwagye a efi onipa hɔ de, mfaso nni so.+ 12  Onyankopɔn hɔ na yebenya ahoɔden,+Na ɔno na obetiatia yɛn atamfo so.+

Ase Hɔ Nsɛm

Hwɛ Nkyerɛkyerɛmu afã hɔ.
Anaa “bobesa.”
Ebetumi nso akyerɛ, “woama wɔn ahyɛnsode.”
Ebetumi nso akyerɛ, “Onyankopɔn aka wɔ ne kronkronbea.”
Anaa “Asaasetraa.”
Nt., “abannennen.”
Hebri asɛmfua no kyerɛ poma tenten bi a ɛkyerɛ hokwan a onipa titiriw bi wɔ sɛ ɔhyehyɛ mmara ma nkurɔfo.
Nt., “me guasɛn a mehohoro me nsa anaa me nan ho wom.”
Ebetumi nso akyerɛ, “kurow a wɔagye ho ban.”