Dipesalema 76:1-12
Go mokaedi; e opelwe le diletswa tsa megala. Pesalema ya ga Asafe.+ Pina.
76 Modimo o a itsege mo Juda;+Leina la gagwe le legolo mo Iseraele.+
2 Lefelo la gagwe la go ikhutsa le kwa Salema,+Mme lefelo le a nnang mo go lone le kwa Siona.+
3 Ke gone kwa a neng a robaganya metswi ya bora e e tswang kgabo ya molelo,Le thebe le tšhaka le dibetsa tsa ntwa.+ (Selah)
4 O phatsima thata;*O mogolo thata go gaisa dithaba tse go nnang dibatana mo go tsone.
5 Ba ba pelokgale ba ne ba gapelwa dilo tse ba neng ba na le tsone.+
Ba ne ba wetswe ke boroko;Batlhabani ba ne ba se na maatla.+
6 Mokgweetsi wa kara o sule le pitse e sule+Ka ntlha ya go kgalema ga gago, wena Modimo wa ga Jakobe.
7 Wena o le esi o a gakgamatsa.+
Ke mang yo o ka emelanang le bogale jwa gago jo bogolo?+
8 O ne wa itsise katlholo o le kwa legodimong;+Lefatshe le ne la boifa la bo la didimala+
9 Fa Modimo a ne a dirisa maatla a gagwe go atlhola baba ba gagwe,Gore a boloke botlhe ba ba pelonolo ba ba mo lefatsheng.+ (Selah)
10 Gonne bogale jwa motho bo tla dira gore o bakwe;+O tla ikgabisa ka masalela a bogale jwa bone.
11 Direlang Jehofa, Modimo wa lona maikano mme lo a diragatse,+A botlhe ba ba mo dikologileng ba mo tlisetse dimpho ka poifo.+
12 O tla kokobetsa baeteledipele ba ba boikgogomoso;O dira gore dikgosi tsa lefatshe di boife.
Dintlha Tse di Kwa Tlase
^ Kgotsa “O apesitswe ke lesedi.”
