Dipesalema 97:1-12
97 Jehofa ke Kgosi!+
A lefatshe le itumele.+
A ditlhaketlhake tse dintsi di itumele.+
2 Maru le lefifi le lentshontsho di mo dikologile;+Tshiamo le tshiamiso ke motheo wa setulo sa gagwe sa bogosi.+
3 Molelo o tswa fa pele ga gagwe+O bo o laila baba ba gagwe mo matlhakoreng otlhe.+
4 Dikgadima tsa gagwe di bonesa naga;Lefatshe le a di bona le bo le roroma.+
5 Dithaba di gakologa fela jaaka mafura fa pele ga ga Jehofa,+Fa pele ga Morena wa lefatshe lotlhe.
6 Magodimo a itsise tshiamo ya gagwe,Mme ditšhaba tsotlhe di bona kgalalelo ya gagwe.+
7 A botlhe ba ba direlang setshwantsho sepe se se betlilweng ba tlhabiwe ke ditlhong,+Ba ba ipelafatsang ka medimo ya bone e e se nang mosola.+
Lona medimo yotlhe, mo ikobeleng.*+
8 Siona o a utlwa a bo a itumela;+Metse ya* Juda e a itumelaKa ntlha ya dikatlholo tsa gago Jehofa.+
9 Gonne wena, Jehofa, o Mogodimodimo, o okametse lefatshe lotlhe;O tlotlometse thata go feta medimo e mengwe yotlhe.+
10 Lona ba lo ratang Jehofa, tlhoang se se bosula.+
O sireleditse botshelo* jwa batho ba gagwe ba ba ikanyegang;+O ba golola mo seatleng* sa batho ba ba bosula.+
11 Lesedi le phatsimetse basiami+E bile ba ba dipelo di ikanyegang ba itumetse.
12 Lo tla itumedisiwa ke go obamela Jehofa, lona ba ba siameng,Lo bo lo ntshetse leina* la gagwe le le boitshepo ditebogo.
Dintlha Tse di Kwa Tlase
^ Kgotsa “obameleng.”
^ Seheb., “Bomorwadia.”
^ Seheb., “ne′phesh.” Bona Ditlhaloso Tsa Mafoko.
^ Kgotsa “taolong.”
^ Seheb., “segopotso.”
