Dipesalema 77:1-20

  • Thapelo ya dinako tsa mathata

    • Go tlhatlhanya ka ditiro tsa Modimo (11, 12)

    • ‘Ke mang yo mogolo jaaka wena Modimo?’ (13)

Go mokaedi wa Jeduthune.* Pesalema ya ga Asafe.+ Pina. 77  Ke tla goela kwa Modimong ka lentswe la me;Ke tla goela kwa Modimong, mme o tla nkutlwa.+   Fa ke le mo matshwenyegong, ke batla thuso kwa go Jehofa.+ Bosigo ke otlololela diatla tsa me kwa go ene ke sa kgaotse.* Ga ke gomotsege.   Fa ke gakologelwa ditiro tsa Modimo, ke a mo tlhologelelwa;+Ke a tshwenyega e bile ke felelwa ke maatla.*+ (Selah)   O dira gore matlho a me a nne a bulegile;Ke a fuduega e bile ga ke kgone go bua.   Ke akanya ka dilo tsa nako e e fetileng,+Ka dingwaga tsa bogologolo.   Fa go le bosigo ke gakologelwa pina ya me;*+Ke akanyetsa kwa teng mo pelong ya me;+Ke dira dipatlisiso tse di tseneletseng.   A Jehofa o tla re latlha ka bosakhutleng?+ A ga a kitla a re utlwela botlhoko gape?+   A lorato lwa gagwe lo lo sa kgaotseng lo khutlile ka bosakhutleng? A tsholofetso ya gagwe ga e kitla e diragadiwa mo dikokomaneng tsotlhe?   A Modimo o lebetse go nna pelontle,+Kgotsa a bogale jwa gagwe bo dirile gore kutlwelobotlhoko ya gagwe e fele? (Selah) 10  A ke tshwanetse go nna ke re: “Seno ke sone se se nngomolang pelo:*+ Mogodimodimo ga a tlhole a re ema nôkeng”?* 11  Ke tla gakologelwa ditiro tsa ga Jah;Ke tla gakologelwa ditiro tsa gago tse di gakgamatsang tsa bogologolo. 12  Ke tla akanyetsa kwa teng ka tiro yotlhe ya gagoE bile ke tla akanya thata ka dilo tse o di dirang.+ 13  Wena Modimo, ditsela tsa gago di boitshepo. Tota ke modimo ofe yo o lekanang le wena ka bogolo, wena Modimo?+ 14  O Modimo wa boammaaruri, yo o dirang dilo tse di gakgamatsang.+ O senoletse ditšhaba nonofo ya gago.+ 15  O golotse* batho ba gago ka maatla* a gago,+Bomorwa Jakobe le bomorwa Josefa. (Selah) 16  Metsi a ne a go bona, wena Modimo;Metsi a ne a go bona a bo a kgoberega.+ E bile metsi a a boteng a ne a fuduega. 17  Maru a ne a tsholola metsi. Loapi lo lo nang le maru lo ne lwa duma,Mme legadima la gago le ne la phatsima gotlhe fela jaaka metswi.+ 18  Modumo wa maru+ a gago o ne o tshwana le wa maotwana a kara;Go benya ga legadima go ne ga bonesa mo lefatsheng;*+Lefatshe le ne la roroma la bo la reketla.+ 19  Tsela ya gago e ne e kgabaganya lewatle,+Tselana ya gago e ne e kgabaganya metsi a mantsi;Le fa go ntse jalo, motlhala wa dinao tsa gago o ne o sa kgone go bonwa. 20  O ne wa etelela batho ba gago pele fela jaaka letsomane+O dirisa* Moshe le Arone.+

Dintlha Tse di Kwa Tlase

Seheb., “ke sa swe bogatsu.”
Seheb., “e bile moya wa me o nna bokoa.”
Kgotsa “mmino wa me o o tshamekiwang ka seletswa sa mogala.”
Kgotsa “se se ntlhabang.”
Seheb., “o fetotse seatla sa gagwe sa moja malebana le rona?”
Seheb., “rekolotse.”
Seheb., “lebogo.”
Kgotsa “mo nageng e e ungwang.”
Seheb., “Ka seatla sa ga.”