Dipesalema 33:1-22

  • Pako e e yang kwa Mmoping

    • “Mo opeleleng pina e ntšha” (3)

    • Popo e dirilwe ka lefoko la ga Jehofa le moya wa gagwe (6)

    • Setšhaba sa ga Jehofa se itumetse (12)

    • Leitlho la ga Jehofa le nna le lebile (18)

33  Goang ka boitumelo, lona basiami, ka ntlha ya ga Jehofa.+ Go a tshwanela gore ba ba siameng ba mmake.   Bakang* Jehofa ka harepa;Mo opeleleng dipako* ka seletswa sa megala e e lesome.   Mo opeleleng pina e ntšha;+Letsang megala ka botswerere, lo ntse lo goa ka boitumelo.   Gonne lefoko la ga Jehofa le boammaaruri,+E bile sengwe le sengwe se a se dirang se a ikanyega.   O rata tshiamo le tshiamiso.+ Lefatshe le tletse lorato lwa ga Jehofa lo lo sa kgaotseng.+   Magodimo a dirilwe ka lefoko la ga Jehofa,+Le sengwe le sengwe se se mo go one* se dirilwe ka moya* wa molomo wa gagwe.   O phutha metsi a lewatle jaaka letamo;+O baya metsi a a gogomogang mo mabolokelong.   A lefatshe lotlhe le boife Jehofa.+ A banni botlhe ba naga e e ungwang ba mo tlotle.   Gonne o ne a bua, mme go ne ga nna jalo;+O ne a laela, mme go ne ga ema ka tlhomamo.+ 10  Jehofa o tlhakatlhakantse maano* a ditšhaba;+O kgoreleditse dithulaganyo* tsa merafe.+ 11  Le fa go ntse jalo, ditshwetso* tsa ga Jehofa di tla ema ka bosakhutleng;+Dikakanyo tsa pelo ya gagwe di tswa kwa kokomaneng e nngwe go ya kwa kokomaneng e nngwe. 12  Go itumela setšhaba se Modimo wa sone e leng Jehofa,+Batho ba a ba tlhophileng gore e nne ba gagwe.+ 13  Jehofa o leba a le kwa magodimong;O bona bomorwa batho botlhe.+ 14  Go tswa kwa lefelong le a nnang kwa go lone,O lebile batho ba ba nnang mo lefatsheng. 15  Ke ene yo o bopang dipelo tsa botlhe;O sekaseka ditiro tsa bone tsotlhe.+ 16  Ga go na kgosi epe e e ka bolokwang ke mophato o mogolo wa masole;+Monna yo o maatla ga a ka ke a bolokwa ke maatla a gagwe a magolo.+ 17  Pitse ga e ka ke ya boloka motho;*+Maatla a yone a magolo ga a ka ke a mo falotsa. 18  Leitlho la ga Jehofa le lebile ba ba mmoifang,+Ba ba letetseng lorato lwa gagwe lo lo sa kgaotseng, 19  Gore a ba golole mo losong,Le gore a ba boloke ba tshela ka nako ya leuba.+ 20  Re solofetse mo go Jehofa. Ke mothusi wa rona le thebe ya rona.+ 21  Dipelo tsa rona di a mo itumelela,Gonne re ikantse leina la gagwe le le boitshepo.+ 22  E kete lorato lwa gago lo lo sa kgaotseng lo ka nna mo go rona, tlhe Jehofa,+Fa re ntse re go letetse.+

Dintlha Tse di Kwa Tlase

Kgotsa “Ntshang ditebogo tse di yang kwa go.”
Kgotsa “Mo leletseng mmino.”
Seheb., “lesomo lotlhe la one.”
Kgotsa “mohemo.”
Kgotsa “kgakololo.”
Kgotsa “dikakanyo.”
Kgotsa “kgakololo.”
Kgotsa “ya tlisetsa motho phenyo.”