Dipesalema 52:1-9

  • Go ikanya lorato lwa Modimo lo lo sa kgaotseng

    • Ba ba ipelafatsang ka ditiro tse di bosula ba a tlhagisiwa (1-5)

    • Ba ba sa boifeng Modimo ba ikanya dikhumo (7)

Go mokaedi. Masekile.* Pesalema ya ga Dafide, fa Doege wa Moedoma a ne a tla a bo a bolelela Saulo gore Dafide o ne a ile kwa ntlong ya ga Ahimeleke.+ 52  Goreng o ipelafatsa ka ditiro tse di bosula, wena yo o maatla?+ Lorato lwa Modimo lo lo sa kgaotseng lo teng letsatsi lotlhe.+   Loleme lwa gago, lo lo bogale jaaka legare,+Lo loga maano a a utlwisang botlhoko e bile lo a tsietsa.+   O rata bosula go gaisa se se molemo,O rata go bua maaka go gaisa go bua se se siameng. (Selah)   O rata lefoko lengwe le lengwe le le utlwisang botlhoko,Loleme lwa gago lo bua dilo tse di tsietsang.   Ke gone ka moo Modimo a tla go senyang gotlhelele;+O tla go phamola a bo a go ntsha mo tenteng ya gago;+O tla go kumola mo lefatsheng la batshedi.+ (Selah)   Basiami ba tla bona seo ba bo ba gakgamala thata,+Mme ba tla mo tshega.+   “Yono ke motho yo o neng a se ka a dira Modimo botshabelo jwa gagwe,*+Mme a ile a ikanya dikhumo tsa gagwe tse dintsi+E bile a ile a ikaega ka* maano a gagwe a a bosula.”*   Mme ke tla tshwana le setlhare se segolo sa motlhware mo ntlong ya Modimo;Ke ikanya lorato lwa Modimo lo lo sa kgaotseng+ ka bosakhutleng le go ya go ile.   Ke tla go baka ka bosakhutleng ka ntlha ya se o se dirileng;+Ke tla solofela mo leineng la gago+ ka gonne le molemo,Ke na le batho ba gago ba ba ikanyegang.

Dintlha Tse di Kwa Tlase

Kgotsa “kago ya gagwe ya phemelo.”
Kgotsa “itshireletsa mo.”
Seheb., “matshwenyego a a a ipaketseng.”