Dipesalema 12:1-8

  • Jehofa o tsaya kgato

    • Mafoko a Modimo a itshekile (6)

Go mokaedi; ya molodi wa Sheminithe.* Pina ya ga Dafide. 12  Mpoloke tlhe Jehofa, ka gonne ga go tlhole go na le motho yo o ikanyegang;Batho ba ba ka ikanngwang ba fedile.  2  Ba a aketsana;Ba tsietsa ka melomo ya bone* e bile ba bua ka dipelo tse di boferefere.*+  3  Jehofa o tla kgaola loleme lwa yo o tsietsangE bile o tla tswala molomo wa yo o ikgantshang thata,+  4  Ba ba reng: “Re tla fenya ka go dirisa maleme a rona. Re dirisa melomo ya rona jaaka re rata;Ke mang yo o ka nnang mong wa rona?”+  5  “Ka ntlha ya gore ba ba bogisiwang ba a gatelelwa,Ka ntlha ya gore bahumanegi ba a lela,+Ke tla dira sengwe,” go bua Jehofa. “Ke tla ba golola mo go ba ba ba nyatsang.”*  6  Mafoko a ga Jehofa a itshekile;+A tshwana le selefera e e itshekisitsweng mo molelong o mogolo,* e e itshekisitsweng ga supa.  7  Jehofa, o tla ba disa;+O tla sireletsa mongwe le mongwe wa bone mo kokomaneng eno ka bosakhutleng.  8  Batho ba ba bosula ba tsamaya gotlhe fela ka kgololesegoKa gonne bomorwa batho ba rotloetsa bosula.+

Dintlha Tse di Kwa Tlase

^ Seheb., “ka melomo e e borethe.”
^ Seheb., “ka pelo le pelo.”
^ Kgotsa “sotlang.”
^ Kgotsa gongwe “mo leubelong le le nyerolosang le le mo mmung.”