Dipesalema 142:1-7
Masekile.* Pesalema ya ga Dafide, fa a ne a le mo logageng.+ Thapelo.
142 Ke goela kwa go Jehofa ka lentswe la me ke kopa thuso;+Ke rapela Jehofa ka lentswe la me gore a nkutlwele botlhoko.
2 Ke tshololela maikutlo a me fa pele ga gagwe;Ke mmolelela matshwenyego a me.+
3 Fa moya* wa me o koafala mo teng ga me, ke goela kwa go ene.
Tota le ka nako eo, o disa tsela ya me.+
Ba mphitlhela seraiMo tselaneng e ke tsamayang mo go yone.
4 Leba ka fa seatleng sa me sa moja mme o boneGore ga go na ope yo o nkgathalelang.*+
Ga go na kwa nka tshabelang gone;+Ga go na ope yo o tshwenyegang ka nna.
5 Ao tlhe Jehofa, ke goela kwa go wena ke kopa thuso.
Ka re: “O botshabelo jwa me,+O sotlhe se ke nang le sone* mo botshelong.”
6 Tlhwaela tsebe selelo sa me sa go kopa thuso,Gonne ke koafetse thata.
Nkgolole mo babogising ba me,+Gonne ba nonofile go mpheta.
7 Nketshe* mo khuting ya kgolegeloGore ke bake leina la gago.
E kete basiami ba ka phuthega go ntikologaKa gonne o dirisana le nna sentle.
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “nonofo.”
^ Seheb., “ntsayang tsia.”
^ Seheb., “O kabelo ya me.”
^ Kgotsa “Nkentshe.”
