Dipesalema 96:1-13

  • “Opelelang Jehofa pina e ntšha”

    • Jehofa o tshwanelwa thata ke pako (4)

    • Medimo ya ditšhaba ga e na mosola (5)

    • Obamelang lo apere diaparo tse di boitshepo (9)

96  Opelelang Jehofa pina e ntšha.+ Opelelang Jehofa, lona lotlhe mo lefatsheng.+   Opelelang Jehofa; bakang leina la gagwe. Itsiseng dikgang tse di molemo tsa poloko ya gagwe letsatsi le letsatsi.+   Bolelelang ditšhaba kgalalelo ya gagwe,Bolelelang merafe yotlhe ditiro tsa gagwe tse di gakgamatsang.+   Jehofa o mogolo e bile o tshwanelwa ke pako yotlhe. O tshwanelwa ke go boifiwa go feta medimo e mengwe yotlhe.   Medimo yotlhe ya ditšhaba ke medimo e e se nang mosola,+Mme Jehofa ke ene a dirileng magodimo.+   Fa pele ga gagwe go na le tlotlomalo* le kgalalelo;+Nonofo le bontle di mo lefelong la gagwe le le boitshepo.+   Nayang Jehofa se se mo tshwanetseng, lona malapa a ditšhaba,Nayang Jehofa se se mo tshwanetseng ka ntlha ya kgalalelo le nonofo ya gagwe.+   Nayang Jehofa kgalalelo e e tshwanelang leina la gagwe;+Tlisang mpho mme lo tle mo malwapeng a gagwe.   Ikobeng fa pele ga ga* Jehofa lo apere diaparo tse di boitshepo;*Roromang fa pele ga gagwe, lona lotlhe mo lefatsheng. 10  Bolelang mo ditšhabeng lo re: “Jaanong Jehofa ke Kgosi!+ Lefatshe* le tiisitswe thata, ga le ka ke la sutisiwa.* O tla atlhola* ditšhaba ka tekatekano.”+ 11  A magodimo a itumele, a lefatshe le itumele;A lewatle le goe ka boitumelo le tsotlhe tse di mo go lone;+ 12  A naga le sotlhe se se mo go yone di itumele.+ A ditlhare tsotlhe tsa sekgwa le tsone di goe ka boitumelo+ 13  Fa pele ga ga Jehofa, ka gonne o etla,*O tlile go atlhola lefatshe. O tla atlhola batho ba ba nnang mo lefatsheng* ka tshiamo+Le ditšhaba ka boikanyegi.+

Dintlha Tse di Kwa Tlase

Kgotsa “seriti.”
Kgotsa “Obamelang.”
Kgotsa gongwe “ka ntlha ya bontlentle jwa boitshepo jwa gagwe.”
Kgotsa “Naga e e ungwang.”
Kgotsa “reketla.”
Kgotsa “seka kgang ya.”
Kgotsa “tlile.”
Kgotsa “atlhola lefatshe le le ungwang.”