Dipesalema 20:1-9
-
Kgosi ya Modimo e e tloditsweng e a bolokwa
-
Bangwe ba ikanya dikara le dipitse, “mme rona re bitsa leina la ga Jehofa” (7)
-
Go mokaedi. Pina ya ga Dafide.
20 E kete Jehofa a ka go araba mo letsatsing la matshwenyego.
E kete leina la Modimo wa ga Jakobe le ka go sireletsa.+
2 E kete a ka go romelela thuso a le mo lefelong le le boitshepo+Mme a go nonotsha a le mo Siona.+
3 E kete a ka gakologelwa ditlhabelo tsa gago tsotlhe tsa mpho;E kete a ka itumelela go amogela* setlhabelo sa gago se se fisiwang. (Selah)
4 E kete a ka go naya dilo tse o di eletsang+A bo a atlegisa dithulaganyo* tsa gago tsotlhe.
5 Re tla goa ka boitumelo ka ntlha ya ditiro tsa gago tsa poloko;+Re tla tsholetsa difolaga tsa rona re baka leina la Modimo wa rona.+
E kete Jehofa a ka diragatsa dikopo tsotlhe tsa gago.
6 Jaanong ke a itse gore Jehofa o boloka motlodiwa wa gagwe.+
O mo araba a le kwa magodimong a gagwe a a boitshepoKa go mmoloka a dirisa seatla sa gagwe sa moja se se maatla.+
7 Bangwe ba ikanya dikara mme ba bangwe ba ikanya dipitse,+Mme rona re bitsa leina la ga Jehofa, Modimo wa rona.+
8 Ba phutlhame e bile ba ole,Mme rona re tsogile e bile re tsosolositswe.+
9 Ao tlhe Jehofa, boloka kgosi.+
Modimo* o tla re araba mo letsatsing la fa re kopa thuso.+
Dintlha Tse di Kwa Tlase
^ Seheb., “a ka tsaya e le mafura.”
^ Kgotsa “kgakololo.”
^ Kgotsa gongwe “Kgosi.”
