Dipesalema 29:1-11
Pina ya ga Dafide.
29 Nayang Jehofa se se mo tshwanetseng, lona bomorwa batho ba ba maatla,Nayang Jehofa se se mo tshwanetseng ka ntlha ya kgalalelo le nonofo ya gagwe.+
2 Nayang Jehofa kgalalelo e e tshwanelang leina la gagwe.
Ikobeng fa pele ga ga* Jehofa lo apere diaparo tse di boitshepo.*
3 Lentswe la ga Jehofa le utlwala mo godimo ga metsi;Modimo yo o galalelang o a duma.+
Jehofa o mo godimo ga metsi a mantsi.+
4 Lentswe la ga Jehofa le maatla;+Lentswe la ga Jehofa le tlotlometse.
5 Lentswe la ga Jehofa le robaganya ditlhare tsa masedara;Eleruri Jehofa o phatlola masedara a Lebanona.+
6 O dira gore Lebanona* a tlolake jaaka namane,Le Sirione+ a tlolake jaaka powana ya naga.
7 Lentswe la ga Jehofa le itaya ka dikgabo tsa molelo;+
8 Lentswe la ga Jehofa le roromisa naga;+Jehofa o roromisa naga ya Kadeshe.+
9 Lentswe la ga Jehofa le dira gore kgama e rorome e bo e tsaleGape le tlhotlhora dikgwa.+
Mme botlhe ba ba mo tempeleng ya gagwe ba re: “Kgalalelo!”
10 Jehofa o ntse mo setulong sa bogosi mo godimo ga metsi a mantsintsi;*+Jehofa o ntse mo setulong sa bogosi e le Kgosi ka bosakhutleng.+
11 Jehofa o tla naya batho ba gagwe maatla.+
Jehofa o tla segofatsa batho ba gagwe ka kagiso.+
Dintlha Tse di Kwa Tlase
^ Kgotsa “Obamelang.”
^ Kgotsa gongwe “ka ntlha ya bontlentle jwa boitshepo jwa gagwe.”
^ Go lebega go tewa dithaba tsa Lebanona tse di tlhomaganeng.
^ Kgotsa “ga lewatle le le kwa magodimong.”
