Dipesalema 45:1-17

  • Lenyalo la kgosi e e tloditsweng

    • Mafoko a a itumedisang (2)

    • “Modimo ke ene a go nayang taolo ya go busa ka bosakhutleng” (6)

    • Kgosi e tlhologelelwa bontle jwa monyadiwa (11)

    • Barwa ba tla nna dikgosana mo lefatsheng lotlhe (16)

Go mokaedi wa “Malômô a Masoma.”* Pesalema ya bomorwa Kora.+ Masekile.* Pina ya lorato. 45  Pelo ya me e tlhotlhelediwa ke sengwe se se molemo. Ka re: “Pina ya me e* bua ka kgosi.”+ E kete loleme lwa me lo ka nna jaaka pene e e gabang ya mokwalolodi*+ yo o setswerere.+   O montle thata mo go bomorwa batho. Mafoko a gago a a itumedisa.+ Ke gone ka moo Modimo a go segofaditseng ka bosakhutleng.+   Gatlha tšhaka ya gago+ mo letlhakoreng la gago, wena yo o maatla,+Mo seriting sa gago le mo bontlentleng jwa gago.+   Mme tswelela o fenya* mo bontlentleng jwa gago;+Palama pitse ya gago ka ntlha ya boammaaruri le boikokobetso le tshiamo,+Mme seatla sa gago sa moja se tla dira* dilo tse di gakgamatsang.   Metswi ya gago e bogale, e dira gore ditšhaba di we fa pele ga gago;+E tlhaba dipelo tsa baba ba kgosi.+   Modimo ke ene a go nayang taolo ya go busa* ka bosakhutleng le go ya go ile;+Lore lwa segosi lwa bogosi jwa gago ke lore lwa tshiamiso.*+   O ne wa rata tshiamo,+ mme o ne wa tlhoa bosula.+ Ke gone ka moo Modimo wa gago, a neng a go tlotsa+ ka leokwane a bo a dira gore o itumele+ go gaisa balekane ba gago.   Diaparo tsotlhe tsa gago di tshasitswe borekhu jo bo nkgang monate* le mokgwapha* le sinamone* gore di nkge monate;Diletswa tsa megala tse di tswang kwa ntlong e kgolo ya segosi e e dirilweng ka lonaka lwa tlou, di dira gore o itumele.   Bomorwadia dikgosi ke bangwe ba basadi ba gago ba ba tlotlegang. Mohumagadi wa kgosi o eme ka fa seatleng sa gago sa moja, a ikgabisitse ka gauta ya kwa Ofire.+ 10  Reetsa, wena morwadiake, reetsa ka kelotlhoko mme o sekege tsebe;Lebala batho ba gaeno le ba lelapa la ga rrago. 11  Mme kgosi e tla tlhologelelwa bontle jwa gago,Gonne ke morena wa gago,Ka jalo mo ikobele. 12  Morwadia Ture o tla go tlisetsa mpho;Batho ba ba humileng thata ba tla batla gore o ba utlwele botlhoko.* 13  Mo ntlong ya segosi,* morwadia kgosi o montle tota;Diaparo tsa gagwe di kgabisitswe ka gauta. 14  O tla tlisiwa kwa kgosing a apere diaparo tse di logilweng ka botswerere.* Makgarebane a a mo setseng morago a tlisiwa fa pele ga gago. 15  Ba tla tlisiwa ka boitumelo le boipelo;Ba tla tsena mo ntlong ya segosi ya kgosi. 16  Bomorwao ba tla tsaya maemo a borragomogolo. O tla ba tlhoma gore e nne dikgosana mo lefatsheng lotlhe.+ 17  Ke tla itsise leina la gago mo dikokomaneng tsotlhe tse di tlang.+ Ke gone ka moo ditšhaba di tla go bakang ka bosakhutleng le go ya go ile.

Dintlha Tse di Kwa Tlase

Gongwe go tewa seletswa sa megala, mofuta wa mmino kgotsa molodi wa pina, mme gone bokao jwa teng jwa mmatota ga bo itsiwe.
Seheb., “Ditiro tsa me di.”
Kgotsa “mokwadi.”
Kgotsa “atlega.”
Seheb., “go ruta.”
Seheb., “Modimo ke setulo sa gago sa bogosi.”
Seheb., “thokgamo.”
Seheb., “mera.” Bona Ditlhaloso Tsa Mafoko.
Kgotsa “mokgopha; lekgala; thugwe.”
Seheb., “kasia.”
Kgotsa “ba tla nolofatsa sefatlhego sa gago.”
Seheb., “Mo teng.”
Kgotsa gongwe “a apere diaparo tse ditelele tse di kgabisitsweng.”