Dipesalema 106:1-48
106 Bakang Jah!*
Ntshetsang Jehofa ditebogo, ka gonne o molemo;+Lorato lwa gagwe lo lo sa kgaotseng lo nnela ruri.+
2 Ke mang yo o ka bolelang ka botlalo ditiro tsa ga Jehofa tse di maatlaKgotsa a itsise ditiro tsotlhe tsa gagwe tse di tshwanelwang ke pako?+
3 Go itumela ba ba dirang tshiamiso,Ba ba dirang se se siameng ka metlha.+
4 Nkgakologelwe tlhe Jehofa, fa o amogela batho ba gago.+
Ntlhokomele o bo o mpoloke,
5 Gore ke tle ke itumelele molemo o o o bontshang batho ba gago ba o ba tlhophileng,+Gore ke tle ke itumele mmogo le setšhaba sa gago,Gore ke tle ke go bake mmogo le boswa jwa gago ke le motlotlo.*
6 Re leofile fela jaaka borraaronamogolo;+Re dirile phoso; re dirile bosula jo bogolo.+
7 Fa borraaronamogolo ba ne ba le kwa Egepeto ga ba a ka ba tlhaloganya bokao jwa ditiro tsa gago tse di gakgamatsang.
Ga ba a ka ba gakologelwa lorato lwa gago lo logolo lo lo sa kgaotseng,Mme ba ne ba tlhanoga kwa lewatleng, kwa Lewatleng le Lehibidu.+
8 Le fa go ntse jalo, o ne a ba boloka ka ntlha ya leina la gagwe,+Gore maatla a gagwe a tle a itsiwe.+
9 O ne a kgalema Lewatle le Lehibidu, mme le ne la kgala;O ne a dira gore ba tsamaye mo boalong jwa lone jaaka e kete ba tsamaya mo sekakeng;*+
10 O ne a ba golola mo seatleng sa sera+A bo a ba namola mo seatleng sa mmaba.+
11 Metsi a ne a khurumetsa baba ba bone;Ga go na ope wa bone yo o neng a falola.*+
12 Foo ba ne ba dumela tsholofetso ya gagwe;+Ba ne ba simolola go mo opelela pako.+
13 Le fa go ntse jalo, ka bonako fela ba ne ba lebala se a neng a se dirile;+Ga ba a ka ba letela gore a ba kaele.
14 Ba ne ba itetla go fekeediwa ke dikeletso tsa bone tsa bopelotshetlha fa ba ne ba le kwa nageng;+Ba ne ba leka Modimo fa ba ne ba le kwa sekakeng.+
15 O ne a ba naya se ba neng ba se kopa,Mme go tswa foo, o ne a ba otlhaya ka bolwetse jo bo neng jwa ba bolaya.+
16 Fa ba le mo kampeng ba ne ba fufegela MosheGape ba ne ba fufegela Arone,+ yo o boitshepo mo go Jehofa.+
17 Foo lefatshe le ne la bulega mme la kometsa DathaneLa bo la khurumetsa ba ba neng ba ikopantse le Abirame.+
18 Molelo o ne wa fisa setlhopha sa bone;Kgabo ya molelo e ne ya laila batho bao ba ba bosula.+
19 Ba ne ba dira namane kwa HorebaBa bo ba ikobela sefikantswe se se bopilweng;+
20 Ba ne ba naya setshwantsho sa poo fela e e jang bojang+Kgalalelo e e ntshwanelang.
21 Ba ne ba lebala Modimo+ yo e leng Mmoloki wa bone,Yo o neng a dira dilo tse dikgolo kwa Egepeto,+
22 Ditiro tse di gakgamatsang kwa lefatsheng la ga Hame,+Le ditiro tse di boitshegang kwa Lewatleng le Lehibidu.+
23 O ne a le gaufi le go laela gore ba fedisiwe,Mme gone, Moshe yo a mo tlhophileng o ne a mo kopa*Gore a fapose bogale jwa gagwe jo bogolo.+
24 Go tswa foo, ba ne ba nyatsa lefatshe le le eletsegang;+Ba ne ba sa dumele mo tsholofetsong ya gagwe.+
25 Ba ne ba nna ba ngongorega mo ditenteng tsa bone;+Ga ba a ka ba reetsa lentswe la ga Jehofa.+
26 Ka jalo, o ne a dira maikano*Gore o ne a tla dira gore ba swele mo nageng;+
27 O ne a tla dira gore ditlogolwana tsa bone di swele mo ditšhabeng,E bile o ne a tla ba gasamisa mo mafatsheng.+
28 Foo ba ne ba ikopanya le kobamelo ya* Baale wa Peore,+Mme ba ne ba ja ditlhabelo tse di neng di ntshediwa baswi.*
29 Ba ne ba galefisa Modimo ka ditiro tsa bone,+Mme ba ne ba tlelwa ke petso.+
30 Mme fa Finease a ema a bo a tsereganya,Petso eo e ne ya emisiwa.+
31 Mme ka ntlha ya seo o ne a tsewa e le motho yo o siamengGo ralala dikokomana tsotlhe ka bosakhutleng.+
32 Ba ne ba galefisa Modimo kwa metsing a Meriba,*Mme dilo ga di a ka tsa tsamaela Moshe sentle ka ntlha ya bone.+
33 Ba ne ba galefisa moya wa ga Moshe,Mme o ne a bua ka bogale.+
34 Ga ba a ka ba nyeletsa ditšhaba,+Jaaka Jehofa a ne a ba laetse.+
35 Le fa go ntse jalo, ba ne ba ikopanya le ditšhaba tseo+Ba bo ba ithuta* ditsela tsa tsone.+
36 Ba ne ba tswelela ba direla medingwana ya tsone,+Mme e ne ya nna serai mo go bone.+
37 Ba ne ba tle ba ntshe bomorwaaboneLe bomorwadiabone ditlhabelo, ba ba ntshetsa madimona.+
38 Ba ne ba nna ba bolaya batho ba ba se nang molato,+Ba bolaya bomorwaabone le bomorwadiaboneBa ba neng ba ba ntsha ditlhabelo, ba ba ntshetsa medingwana ya Kanana;+Mme lefatshe le ne la kgotlelwa ke madi a a tsholotsweng.
39 Ditiro tsa bone di ne tsa dira gore ba itshekologe;Ditiro tsa bone di ne tsa dira gore ba se ka ba ikanyega mo Modimong.*+
40 Ka jalo, bogale jwa ga Jehofa bo ne jwa tukela batho ba gagwe,Mme o ne a simolola go tlhoa boswa jwa gagwe.
41 Gangwe le gape o ne a ba tsenya mo seatleng sa ditšhaba,+Gore batho ba ba ba tlhoileng ba tle ba ba laole.+
42 Baba ba bone ba ne ba ba gatelela,Mme ba ne ba le ka fa tlase ga taolo* ya bone.
43 O ne a ba golola ka makgetlo a le mantsi,+Le fa go ntse jalo, ba ne ba tle ba tlhanoge e bile ba sa ikobe,+Mme ba ne ba tle ba kokobediwe ka ntlha ya maleo a bone.+
44 Le fa go ntse jalo, o ne a tle a bone matshwenyego a bone+E bile o ne a tle a utlwe selelo sa bone fa ba kopa thuso.+
45 Ka ntlha ya bone o ne a tle a gakologelwe kgolagano ya gagwe,E bile o ne a tle a tlhomoge pelo,* a tlhotlhelediwa ke lorato lwa gagwe lo logolo lo lo sa kgaotseng.+
46 O ne a tle a dire gore batho botlhe ba ba ba isitseng botshwarwaBa ba tlhomogele pelo.+
47 Re boloke tlhe Jehofa, Modimo wa rona,+Mme o re phuthe go tswa mo ditšhabeng+Gore re tle re ntshetse leina la gago le le boitshepo ditebogoMme re itumelele go go baka.*+
48 E kete Jehofa, Modimo wa Iseraele, a ka bakwaKa bosakhutleng.*+
Mme a batho botlhe ba re, “Amen!”*
Bakang Jah!*
Dintlha Tse di Kwa Tlase
^ Kgotsa “Halelujah!” “Jah” ke khutshwafatso ya leina Jehofa.
^ Kgotsa “ke ipelafatsa.”
^ Kgotsa “mo nageng.”
^ Kgotsa “sala.”
^ Seheb., “a ema mo phatlheng fa pele ga gagwe.”
^ Seheb., “o ne a tsholetsa seatla sa gagwe.”
^ Kgotsa “ba ikgolaganya le.”
^ Go tewa ditlhabelo tse di neng di ntshediwa batho ba ba suleng kgotsa medimo e e sa tsheleng.
^ Mo go kayang “Go Omana.”
^ Seheb., “anya.”
^ Kgotsa “ba gwebe ka mmele ka tsela ya tshwantshetso.”
^ Seheb., “seatla.”
^ Kgotsa “a ikwatlhaye.”
^ Kgotsa “re itumelele pako ya gago.”
^ Kgotsa “Go tswa bosasimologeng go ya bosakhutleng.”
^ Kgotsa “A go nne jalo!”
^ Kgotsa “Halelujah!” “Jah” ke khutshwafatso ya leina Jehofa.
