Dipesalema 121:1-8
Pina Ya fa Go Tlhatlogelwa Kwa Motseng.
121 Ke tsholeletsa matlho a me kwa dithabeng.+
Thuso ya me e tla tswa kae?
2 Thuso ya me e tswa kwa go Jehofa,+Modiri wa legodimo le lefatshe.
3 Le ka motlha ga a kitla a letla gore lonao lwa gago lo relele.*+
Ene Yo o go disitseng ga a kitla a otsela le ka motlha.
4 Le ka motlha ga a kitla a otsela kgotsa a robala,Ene yo o disitseng Iseraele.+
5 Jehofa o go disitse.
Jehofa ke moriti+ ka fa seatleng sa gago sa moja.+
6 Motshegare letsatsi ga le kitla le go utlwisa botlhoko,+E bile bosigo ngwedi ga e kitla e go utlwisa botlhoko.+
7 Jehofa o tla go sireletsa mo dikotsing tsotlhe.+
O tla sireletsa botshelo* jwa gago.+
8 Jehofa o tla go sireletsa mo dilong tsotlhe tse o di dirang*Go tloga jaanong le go ya bosakhutleng.
Dintlha Tse di Kwa Tlase
^ Kgotsa “reketle.”
^ Seheb., “ne′phesh.” Bona Ditlhaloso Tsa Mafoko.
^ Seheb., “go tswa ga gago le go tsena ga gago.”
