Dipesalema 91:1-16
91 Ope fela yo o agileng mo lefelong la sephiri la Mogodimodimo+O tla nna ka fa tlase ga moriti wa Mothatayotlhe.+
2 Ke tla raya Jehofa ke re: “O botshabelo jwa me le kago ya me e e thata,+Modimo wa me yo ke mo tshepang.”+
3 Gonne o tla go golola mo seraing sa motshwaradinonyane,Mo bolwetseng jwa leroborobo jo bo bolayang.
4 O tla go khurumetsa ka dintlha tsa diphuka tsa gagwe,*Mme o tla tshabela ka fa tlase ga diphuka tsa gagwe.+
Boikanyegi jwa gagwe+ e tla nna thebe e kgolo+ le lobota lo lo sireletsang.*
5 Ga o kitla o boifa dilo tse di boifisang tsa bosigo,+Kgotsa motswi o o hulwang motshegare,+
6 Kgotsa bolwetse jwa leroborobo jo bo lalelang mo lefifing,Kgotsa tshenyo e e ganyaolang go le sethoboloko.
7 Batho ba le sekete ba tla wela fa thoko ga gagoLe ba le dikete di le lesome ba tla wela ka fa seatleng sa gago sa moja,Mme wena ga o kitla o diragalelwa ke sepe se se bosula.+
8 O tla bona seo se diragalaFa o tla bo o bona batho ba ba bosula ba otlhaiwa.*
9 Ka gonne o ne wa re: “Jehofa ke botshabelo jwa me,”
O dirile Mogodimodimo bonno* jwa gago;+
10 Ga go na masetlapelo ape a a tla go welang,+E bile ga go na petso epe e e tla tlang gaufi le tente ya gago.
11 Gonne Modimo o tla laela baengele ba gagwe+ gore ba go thuse,Gore ba go dise mo ditseleng tsotlhe tsa gago.+
12 Ba tla go tshegetsa ka diatla,+Gore lonao lwa gago lo se ka lwa itaagana le leje.+
13 O tla gata tawana le kake;O tla gataka tau e e seriri le noga e kgolo ka dinao tsa gago.+
14 Modimo o ne a re: “Ke tla mo golola ka gonne o a nthata.*+
Ke tla mo sireletsa ka gonne o itse* leina la me.+
15 O tla goela kwa go nna, mme ke tla mo araba.+
Ke tla nna le ene fa a le mo matshwenyegong.+
Ke tla mo golola ke bo ke mo galaletsa.
16 Ke tla mo duela ka botshelo jo boleele,+Mme ke tla dira gore a bone gore ke mmoloki wa gagwe.”*+
Dintlha Tse di Kwa Tlase
^ Kgotsa “O tla go thiba ka dintlha tsa diphuka tsa gagwe gore o se ka wa atamelwa.”
^ Kgotsa “lorako lwa phemelo.”
^ Seheb., “duelwa.”
^ Kgotsa gongwe “kago ya phemelo; botshabelo.”
^ Seheb., “o ikgolagantse le nna.”
^ Kgotsa “tlhaloganya.”
^ Kgotsa “a bone poloko e e tswang mo go nna.”
