Dipesalema 108:1-13
Pina. Pesalema ya ga Dafide.
108 Pelo ya me e a ikanyega, tlhe Modimo.
Ke tla opela ke bo ke letsa mmino ka pelo ya me yotlhe.*+
2 A ko o thanye, wena seletswa sa megala; le wena harepa.+
Ke tla tsoga go sa le phakela.
3 Ke tla go baka mo merafeng, Jehofa,E bile ke tla go opelela dipako* mo ditšhabeng.
4 Gonne lorato lwa gago lo lo sa kgaotseng lo logolo, lo kwa godimo jaaka magodimo,+Le boammaaruri jwa gago bo fitlha kwa loaping.
5 Bontsha bogolo jwa gago kwa magodimong, Modimo wa me;E kete kgalalelo ya gago e ka okama lefatshe lotlhe.+
6 Re boloke ka seatla sa gago sa moja mme o nkarabe,+Gore ba o ba ratang ba tle ba gololwe.
7 Modimo o buile jaana a le mo boitshepong jwa gagwe:*
“Ke tla itumela, ke tla ntsha Shekema+ gore e nne boswa;Mme ke tla lekanya Mokgatšha* wa Sukothe+ gore ke o abele batho ba me.
8 Gileade+ ke ya me, fela jaaka Manase e le ya me,Mme Eferaime ke tlhoro ya phemelo* ya tlhogo ya me;+Juda ke lore lwa me lwa molaodi.+
9 Moabe ke sekotlele sa me se se tlhatswetsang.+
Ke tla latlhela setlhako* sa me mo godimo ga Edoma.+
Ke tla goa ka boitumelo ke fentse Filisitia.”+
10 Ke mang yo o tla nkisang kwa motseng o o sireletsegileng?
Ke mang yo o tla nkgogang go ya go fitlha kwa Edoma?+
11 Modimo, tota ke wena yo o ka bong o re etelela pele.
Mme jaanong bona, o re latlhile wena Modimo wa rona, e bile ga o tlhole o tsamaya le masole a rona.+
12 Re thuse mo matshwenyegong a rona,+Gonne poloko e e tlisiwang ke batho ga e na mosola.+
13 Modimo o tla re naya maatla,+E bile o tla gataka baba ba rona.+
Dintlha Tse di Kwa Tlase
^ Seheb., “tota le ka kgalalelo ya me.”
^ Kgotsa “leletsa mmino.”
^ Kgotsa gongwe “mo lefelong la gagwe le le boitshepo.”
^ Kgotsa “Lebala le le Kwa Tlase.”
^ Seheb., “kago e e thata.”
^ Seheb., “mpaatšhane.”
