Dipesalema 10:1-18
ל [Lamed]
10 Jehofa, ke ka ntlha yang fa o emetse kgakala jaana?
Ke ka ntlha yang fa o iphitlha ka nako ya matshwenyego?+
2 Go nna mabela ga motho yo o bosula go mo tlhotlheletsa go lelekisa yo o sa kgoneng go itshireletsa,+Le fa go ntse jalo, o tla tshwarwa mo maanong a a a logang.+
3 Gonne motho yo o bosula o ikgantsha ka dikeletso tsa gagwe tsa bopelotshetlha+Mme o segofatsa yo o bogagaru;*נ [Nun]O nyatsa Jehofa.
4 Motho yo o bosula ga a dire dipatlisiso dipe ka gonne a le mabela;O nna a akanya go re: “Ga go na Modimo.”+
5 Ditsela tsa gagwe di nna di atlega,+Mme ga a tlhaloganye dikatlholo tsa gago;+O sotla* baba ba gagwe botlhe.
6 O bua mo pelong a re: “Ga nkitla ke diragalelwa ke sepe se se maswe;*Ga nkitla ke nna le matshwenyego+Kokomana morago ga kokomana.”
פ [Pe]
7 Molomo wa gagwe o tletse ditlhapa, maaka le matshosetsi;+Ka fa tlase ga loleme lwa gagwe go na le mathata le se se utlwisang botlhoko.+
8 O lalela gaufi le metsana;O bolaya motho yo o se nang molato a le mo lefelong le a iphitlhang mo go lone.+
ע [Ayin]
Matlho a gagwe a lebile mongwe yo a ka mo tlhaselang.+
9 O nna a letile a le mo lefelong le a iphitlhang mo go lone jaaka tau e e mo kutleng* ya yone.+
O nna a letile gore a tshware yo o sa kgoneng go itshireletsa.
Fa a goga letlowa la gagwe, o tshwara yo o sa kgoneng go itshireletsa.+
10 Motho yo o bogisiwang o a thubaganngwa a bo a latlhelwa fa fatshe;Batho ba ba bokoa ba wela mo diatleng tsa motho yo o bosula.*
11 Motho yo o bosula o bua mo pelong a re: “Modimo o lebetse bosula jo ke bo dirileng.+
Ga a kgathale.
Ga a ntemoge.”+
ק [Qoph]
12 Dira sengwe, tlhe Jehofa.+ Bontsha maatla a gago+ tlhe Modimo wa me.
O se ka wa lebala ba ba sa kgoneng go itshireletsa.+
13 Ke ka ntlha yang fa motho yo o bosula a nyaditse Modimo?
O bua mo pelong a re: “Modimo ga a kgathale.”
ר [Resh]
14 Le fa go ntse jalo, wena o bona mathata le matshwenyego.
O a leba o bo o dira sengwe ka one.+
Yo o tlhokang thuso o leba kwa go wena;+O thusa khutsana.*+
ש [Shin]
15 Robaganya lebogo la motho yo o boikepo le yo o bosula,+Gore fa o batla bosula jwa gagwe,O se ka wa tlhola o bo bona.
16 Jehofa ke Kgosi ka bosakhutleng le go ya go ile.+
Ditšhaba di fedisitswe mo lefatsheng.+
ת [Taw]
17 Le fa go ntse jalo, Jehofa, o tla reetsa kopo ya ba ba pelonolo.+
O tla dira gore dipelo tsa bone di nonofe+ e bile o tla ba tlhwaela tsebe.+
18 O tla direla dikhutsana* le batho ba ba gateletsweng tshiamiso,+Gore motho ope fela mo lefatsheng a se ka a tlhola a ba boifisa.+
Dintlha Tse di Kwa Tlase
^ Kgotsa gongwe “Yo o bogagaru o a itshegofatsa.”
^ Kgotsa “nyatsa.”
^ Kgotsa “Ga nkitla ke thetheekela (reketla).”
^ Kgotsa “mo ditlhatshaneng tse di kitlaneng.”
^ Kgotsa “mo maroong a a nonofileng a motho yo o bosula.”
^ Seheb., “ngwana yo o se nang rre.”
^ Seheb., “bana ba ba se nang borre.”
