Dipesalema 74:1-23
Masekile.* Pesalema ya ga Asafe.+
74 Ao tlhe Modimo, ke ka ntlha yang fa o re latlhile ka bosakhutleng?+
Ke ka ntlha yang fa bogale jwa gago bo tukela letsomane la mafulo a gago?+
2 Gakologelwa batho* ba o neng wa ba itlhophela bogologolo,+Lotso lo o neng wa lo rekolola gore e nne boswa jwa gago.+
Gakologelwa Thaba ya Siona, e o neng o agile mo go yone.+
3 Lebisa dikgato tsa gago kwa maropeng a a nnetseng ruri.+
Mmaba o sentse sengwe le sengwe mo lefelong le le boitshepo.+
4 Baba ba gago ba kurutlile mo teng ga lefelo la gago la bokopanelo.*+
Ba beile difolaga tsa bone gore e nne matshwao mo go lone.
5 Ba ne ba tshwana le banna ba ba kgatikanyang dilepe ba rema sekgwa se se kitlaneng.
6 Ba ne ba thuba ditshwantsho tsotlhe tsa lone tse di gabilweng+ ka dilepe le didirisiwa tse dingwe tsa tshipi.
7 Ba ne ba fisa lefelo la gago le le boitshepo.+
Ba ne ba leswafatsa motlaagana o leina la gago le leng mo go one, ba o digela fa fatshe.
8 Bone le bana ba bone ba ne ba bua jaana mo dipelong tsa bone:
“Mafelo otlhe a bokopanelo a Modimo* a a mo lefatsheng leno a tshwanetse go fisiwa.”
9 Ga go na ditshupo dipe tse di dirwang gore re di bone;Ga go tlhole go na le moporofeti ope,E bile ga go na ope mo go rona yo o itseng gore seno se tla tsaya lobaka lo lo kae.
10 Ao tlhe Modimo, mmaba o tla tswelela a go kgoba ka lobaka lo lo kae?+
A mmaba o tla nyatsa leina la gago ka bosakhutleng?+
11 Ke ka ntlha yang fa o busetsa seatla sa gago morago, e leng seatla sa gago sa moja?+
Se ntshe mo sehubeng sa gago* mme o ba fedise.
12 Mme gone, Modimo ke Kgosi ya me go tswa bogologolong,Ke mmoloki yo mogolo mo lefatsheng.+
13 O ne wa fudua lewatle ka nonofo ya gago;+O ne wa thubaganya ditlhogo tsa ditshedi tse ditona tsa lewatle tse di mo metsing.
14 O ne wa tšhwetlakanya ditlhogo tsa Lefiathane;*O ne wa e naya batho ba ba nnang mo dikakeng gore e nne dijo tsa bone.
15 O ne wa bula metswedi le melatswana;+O ne wa kgadisa dinoka tse di nnang di elela.+
16 Letsatsi ke la gago, bosigo le jone ke jwa gago.
O dirile lesedi* le letsatsi.+
17 O tlhomile melelwane yotlhe ya lefatshe;+O dirile selemo le mariga.+
18 Ao tlhe Jehofa, gakologelwa kafa mmaba a go kgobang ka teng,Kafa dieleele di nyatsang leina la gago ka teng.+
19 O se ka wa naya dibatana botshelo* jwa leeba la gago.
O se ka wa lebala botshelo jwa batho ba gago ba ba bogisiwang.
20 Gakologelwa kgolagano e o neng wa e dira le rona,Gonne mafelo a a lefifi a lefatshe a tletse batho ba ba ratang thubakanyo.
21 E kete yo o thubagantsweng a ka se ka a swabisiwa;+E kete batho ba maemo a a kwa tlase le bahumanegi ba ka baka leina la gago.+
22 Ao tlhe Modimo, ema mme o seke kgetsi ya gago.
Gakologelwa kafa dieleele di go kgobang ka teng letsatsi lotlhe.+
23 O se ka wa lebala se baba ba gago ba se buang.
Modumo wa khuduego wa ba ba ganetsanang le wena o tlhatlogela kwa go wena ka metlha.
Dintlha Tse di Kwa Tlase
^ Bona Ditlhaloso Tsa Mafoko.
^ Seheb., “phuthego ya gago.”
^ Kgotsa “lefelo la gago le go phuthegelwang mo go lone.”
^ Kgotsa “Mafelo otlhe a Modimo a obamelwang mo go one.”
^ Kgotsa “mo memenong ya seaparo sa gago.”
^ Bona Ditlhaloso Tsa Mafoko.
^ Kgotsa “sebonesi.”
^ Seheb., “ne′phesh.” Bona Ditlhaloso Tsa Mafoko.
