Dipesalema 145:1-21

  • Go baka Modimo, Kgosi e kgolo

    • ‘Ke tla itsise bogolo jwa Modimo’ (6)

    • “Jehofa o molemo mo ditsheding tsotlhe” (9)

    • “Batho ba gago ba ba ikanyegang ba tla go baka” (10)

    • Bogosi jwa Modimo jo bo sa khutleng (13)

    • Seatla sa Modimo se kgotsofatsa ditshedi tsotlhe (16)

Pako ya ga Dafide. א [Aleph] 145  Ke tla go tlotlomatsa, wena Modimo wa me Kgosi,+Ke tla baka leina la gago ka bosakhutleng le go ya go ile.+ ב [Beth]   Ke tla go baka letsatsi lotlhe;+Ke tla baka leina la gago ka bosakhutleng le go ya go ile.+ ג [Gimel]   Jehofa o mogolo e bile o tshwanelwa ke pako yotlhe;+Bogolo jwa gagwe ga bo ka ke jwa tlhaloganngwa.+ ד [Daleth]   Dikokomana ka go latelana di tla baka ditiro tsa gago;Di tla itsise ditiro tsa gago tse dikgolo.+ ה [He]   Di tla bua ka bontlentle jwa kgalalelo ya bogolo jwa gago+Mme ke tla akanyetsa kwa teng ka ditiro tsa gago tse di gakgamatsang. ו [Waw]   Di tla bua ka ditiro* tsa gago tse di gakgamatsang,Mme ke tla itsise bogolo jwa gago. ז [Zayin]   Di tla bua ka matlhagatlhaga fa di gopola molemo wa gago o mogolo,+Mme di tla goa ka boitumelo ka ntlha ya tshiamo ya gago.+ ח [Heth]   Jehofa o pelotlhomogi* e bile o kutlwelobotlhoko,+Ga a galefe ka bonako e bile o na le lorato lo logolo lo lo sa kgaotseng.+ ט [Teth]   Jehofa o molemo mo ditsheding tsotlhe,+Mme kutlwelobotlhoko ya gagwe e bonala mo dilong tsotlhe tse a di dirileng. י [Yod] 10  Ditiro tsotlhe tsa gago di tla go galaletsa Jehofa,+E bile batho ba gago ba ba ikanyegang ba tla go baka.+ כ [Kaph] 11  Ba tla bolela kgalalelo ya bogosi jwa gago+E bile ba tla bua ka bogolo jwa gago,+ ל [Lamed] 12  Gore ba itsise batho ditiro tsa gago tse dikgolo+Le bontlentle jwa kgalalelo ya bogosi jwa gago.+ מ [Mem] 13  Bogosi jwa gago ke bogosi jo bo sa khutleng,Mme taolo ya gago e tla tswelela e le teng mo dikokomaneng tsotlhe.+ ס [Samekh] 14  Jehofa o tshegetsa botlhe ba ba wang+E bile o tsholetsa botlhe ba ba obegileng.+ ע [Ayin] 15  Matlho a ditshedi tsotlhe a leba kwa go wena ka tsholofelo;O di naya dijo ka paka ya tsone.+ פ [Pe] 16  O bula seatla sa gagoO bo o kgotsofatsa keletso ya setshedi sengwe le sengwe.+ צ [Tsade] 17  Jehofa o dira se se siameng ka metlha+E bile o a ikanyega mo dilong tsotlhe tse a di dirang.+ ק [Qoph] 18  Jehofa o gaufi le botlhe ba ba mmitsang,+Le botlhe ba ba mmitsang ka boammaaruri.*+ ר [Resh] 19  O kgotsofatsa keletso ya ba ba mmoifang;+O utlwa selelo sa bone sa go kopa thuso, mme o a ba namola.+ ש [Shin] 20  Jehofa o disa botlhe ba ba mo ratang,+Mme o tla nyeletsa botlhe ba ba bosula.+ ת [Taw] 21  Molomo wa me o tla itsise pako ya ga Jehofa;+A setshedi sengwe le sengwe* se bake leina la gagwe le le boitshepo ka bosakhutleng le go ya go ile.+

Dintlha Tse di Kwa Tlase

Kgotsa “maatla.”
Kgotsa “pelontle.”
Kgotsa “ka bopeloephepa.”
Seheb., “nama yotlhe.”