Dipesalema 6:1-10
Go mokaedi; e opelwe ka diletswa tsa megala tse di ntshang molodi wa Sheminithe.* Pina ya ga Dafide.
6 Ao tlhe Jehofa, o se ka wa nkgalemela o galefile,E bile o se ka wa nkotlhaya o shakgetse.+
2 Nkutlwele botlhoko, tlhe Jehofa, ka gonne ke a koafala.
Mphodise, tlhe Jehofa,+ ka gonne marapo a me a a roroma.
3 Ruri ke fuduegile thata,+Mme ke a go botsa, tlhe Jehofa, go tla tsaya lobaka lo lo kae?+
4 Boa, tlhe Jehofa, mme o nnamole;+Mpoloke ka ntlha ya lorato lwa gago lo lo sa kgaotseng.+
5 Gonne fa motho a sule, ga a ka ke a bua ka wena;*Ke mang yo o tla go bakang kwa Lebitleng?*+
6 Ke lapisitswe ke go nna ke lela;+Bosigo jotlhe ke kolobetsa bolao jwa me ka dikeledi;*Fa ke lela, dikeledi tsa me di tlala mo sofeng ya me.+
7 Ke tshwenyegile thata ka gonne ke a boga;+Ga ke tlhole ke bona sentle ka ntlha ya botlhe ba ba ntshwarang makgwakgwa.
8 Tlogang fa go nna, lona lotlhe ba lo itshwarang ka tsela e e sa siamang,Gonne Jehofa o tla utlwa lentswe la me fa ke lela.+
9 Jehofa o tla nkutlwa fa ke mo kopa gore a nkutlwele botlhoko;+Jehofa o tla reetsa thapelo ya me.
10 Baba ba me botlhe ba tla tlhabiwa ke ditlhong e bile ba tla welwa ke letshogo;Ba tla boela morago ka tshoganyetso ba tlontlologile.+
Dintlha Tse di Kwa Tlase
^ Bona Ditlhaloso Tsa Mafoko.
^ Kgotsa “a go gopola; a go gakologelwa.”
^ Kgotsa “Sheole.” Bona Ditlhaloso Tsa Mafoko.
^ Seheb., “ke dira gore bolao jwa me bo nne metsimetsi.”
