Dipesalema 110:1-7
Pesalema ya ga Dafide. Pina.
110 Jehofa o ne a raya Morena wa me a re:
“Nna ka fa seatleng sa me sa moja+Go fitlha ke dira gore baba ba gago ba nne ka fa tlase ga dinao tsa gago.”+
2 Jehofa o tla otlolola thobane ya nonofo ya gago go tswa mo Siona a re:
“Tsamaya mo gare ga baba ba gago mme o ba fenye.”+
3 Batho ba gago ba tla ithaopa ka go rata mo letsatsing la mophato wa gago wa sesole.*
Mo bontlentleng jwa boitshepo, go tswa mo popelong ya bosa,O na le setlhopha sa gago sa makau se se tshwanang le marothodi a monyo.
4 Jehofa o dirile maikano ano, mme ga a kitla a fetola mogopolo wa gagwe:*
“O moperesiti ka bosakhutleng+Yo o tshwanang le Melekisedeke!”+
5 Jehofa o tla bo a le ka fa seatleng sa gago sa moja;+O tla thubaganya dikgosi mo letsatsing la bogale jwa gagwe.+
6 O tla atlhola ditšhaba;+O tla tlatsa lefatshe ka ditopo.+
O tla thubaganya moeteledipele* wa naga e kgolo thata.*
7 O* tla nwa mo mokgatšheng o o fa thoko ga tsela.
Ka jalo, o tla tsholeletsa tlhogo ya gagwe kwa godimo.
Dintlha Tse di Kwa Tlase
^ Kgotsa “mo letsatsing la fa masole a gago a ipaakanya.”
^ Kgotsa “ga a kitla a ikwatlhaya.”
^ Seheb., “tlhogo.”
^ Kgotsa “wa lefatshe lotlhe.”
^ Go tewa “Morena wa me” yo go buiwang ka ene mo temana 1.
